क्रिस्टियानो रोनाल्डो र लियोनेल मेस्सी दुबैले यस हप्ता आफ्ना केही व्यक्तिगत रेकर्डहरू खोसिएको देखेका छन्।
रोबर्ट लेवान्डोस्कीले बार्यन् म्युनिख र पोल्याण्डका लागि २०२१ मा ६९ गोल गर्दै एक क्यालेन्डर वर्षमा सर्वाधिक गोल गर्ने रोनाल्डोको कीर्तिमानको बराबरी गरे, जुन रियल म्याड्रिडका पूर्व खेलाडीले आठ वर्षअघि बर्नाबेउमा हासिल गरेका थिए।
दुई दिन पछि, फियोरेन्टिनाका स्ट्राइकर डुसान भ्लाभिक त्यसपछि एक प्रख्यात समूहमा सामेल भए जब उनले सासुओलो विरुद्ध आफ्नो ३३ औं गोल गर्दै एकै वर्षमा सिरी ए मा सबैभन्दा बढी गोल गर्ने रोनाल्डोको नाममा रहेको रेकर्ड बराबरी गरे। सोहि हप्ता रोनाल्डोका प्रतिद्वन्दी मेस्सीको नाममा रहेको पनि दुई रेकर्ड तोडिएका छन्।
बार्सिलोनाका ग्याभिले यसै हप्ता मात्र मेस्सीला क्लब इतिहास कै सबैभन्दा कान्छा गोलकर्ताको सूचीमा तेस्रो स्थानबाट हटाएका छन् भने एक क्यालेन्डर वर्षमा सबैभन्दा असिस्ट प्रदान गर्ने मेस्सीको नाममा रहेको रेकर्ड पनि टुटेको छ। क्याटालान दिग्गजहरूका लागि मेस्सीको पहिलो गोल १७ वर्ष र ३३१ दिनको उमेरमा आएको थियो, जबकि ग्याभिले शनिबार बार्साका लागि गोल गरेका गरे जब उनी मेस्सी भन्दा १९६ दिन कान्छो थिए – १७ वर्ष र १३५ दिन।
बार्सिलोनाको इतिहासमा सबैभन्दा कान्छो गोलकर्ता ३४ वर्षीय स्टारका पूर्व टिममेट अन्सु फाती रहेका छन्, जसले १६ वर्ष ३०४ दिनको उमेरमा आफ्नो पहिलो गोल गरेका थिए। रोमा र स्टोक सिटीका लागि खेलिसकेका १७ वर्ष ५३ दिनको उमेरमा गोल गरेका बोजन क्रिकिक दोस्रो स्थानमा छन्।
यसै हप्ता, डुसान ट्याडिकले एजेड अल्क्मारसँग आयाक्सको हारको क्रममा २०२१ को आफ्नो ३७ औं असिस्ट प्रदान गर्दै एक क्यालेन्डर वर्षमा सबैभन्दा असिस्ट प्रदान गर्ने मेस्सीको नाममा रहेको विश्व रेकर्ड तोडे। यसअघि मेस्सीले २०११ मा बार्सिलोना तथा अर्जेन्टिनाका लागि खेल्दै कुन ३६ असिस्ट प्रदान गरेका थिए।
