पेरिस सेन्ट-जर्मेन (पीएसजी) का खेलकुद निर्देशक लियोनार्डोले सिजनको पहिलो हाफमा क्लबका लागि लियोनल मेस्सीको प्रदर्शनमा आफ्नो धारणा व्यक्त गरेका छन्। त महिना कीर्तिमानी विस्तारक सातौं पटक ब्यालोन डी ओर अवार्ड प्राप्त गरेका पूर्व बार्सिलोना कप्तानले फ्रेन्च लिगमा आशा गरिएको भन्दा निकै फितलो प्रदर्शन गरिरहेका छन्।
अर्जेन्टिनाका सुपरस्टारले बार्सिलोनाबाट आफ्नो हाइ-प्रोफाइल समर ट्रान्सफर पछि सिजनको सुरुवाती महिनाहरुमा फ्रान्सेली फुटबलमा घुलमिल हुन संघर्ष गरेको प्रष्ट रूपमा देख्न सकिन्छ। सन् २००७/०८ सिजन पछि पहिलो पटक घरेलु लिगमा २० गोल गर्न नसक्ने डरको बीचमा उनले फ्रेन्च लिगमा पीएसजीका लागि सुरुवाती १० खेलमा अहिलेसम्म एक मात्र गोल गर्न सफल भएका छन्।
३४-वर्षीय पूर्व बार्सिलोना कप्तान माउरिसियो पोचेटिनोको टोलीको तीन-व्यक्ति आक्रमणको दाहिने-छेउमा तैनाथ हुँदै आएका छन् र प्रायः उक्त स्थान मा उनलाई केही असहज भएको प्रष्ट देखिँदै आएको छ। क्याम्प नोउमा मेस्सीले सामान्यतया ‘नम्बर १०’ भूमिकामा बढी केन्द्रिय रूपमा खेलेको देखिएको थियो तर पेरिसमा ४-३-३ प्रणालीको साथ – किलियन एमबाप्पेले सेन्ट्रल स्ट्राइकरको रूपमा खेल्दै आएका छन् भने नेयमार बायाँ फ्ल्यान्कमा खेल्ने गर्छन्।
यद्यपि, पीएसजीका खेलकुद निर्देशक लियोनार्डोले यस सिजन पार्क डेस प्रिन्सेसमा मेस्सीको प्रभावको प्रशंसा गरेका छन्। लियोनार्डोले आइतबार राति प्रसारित भएको Le JDD र Europe1 सँगको अन्तर्वार्तामा भने: “लियो मेस्सी मेरो लागि निर्विवाद छन्। यदि तपाईं मेस्सीको बारेमा बहस गर्न थाल्नुभयो भने, तपाईंलाई फुटबलको बारेमा केही थाहा छैन। वर्षौं देखि उनको संख्या अविश्वसनीय छ। उनले र एमबाप्पेले क्लबका लगभग सबै गोलमा भाग लिएका छन्। उनी निर्णायक भएका छन्।”
