अर्जेन्टिना र बार्सिलोनाका लागि ‘आफ्नो करियरको शिखर’ को समयमा लियोनेल मेस्सीको अविश्वसनीय कारनामहरू एकल आश्चर्यजनक संकलन भिडियोमा कम्पाइल गरिएको छ।
३४ वर्षीय अर्जेन्टिनाका सुपरस्टारले पेले, डिएगो म्याराडोना र क्रिस्टियानो रोनाल्डोसँगै फुटबल इतिहास कै उत्कृष्ट खेलाडीको रुपमा इतिहासको किताबमा आफ्नो नाम लेखिसकेका छन्। मेस्सीले यसै सिजन मात्र क्याम्प नोउबाट बाहिरिनुअघि बार्सिलोनाका लागि ७७८ खेलमा ६७२ पटक गोल गर्नुका साथै ३०१ असिस्ट पनि प्रदान गरेका थिए। मेस्सीले बार्सिलोनामा १० ला लिगा उपाधि र चार च्याम्पियन्स लिगहरू समावेश आश्चर्यजनक क्लब-रेकर्ड ३५ ट्रफीहरू जितेका छन्।
सात पटकको बालोन डी’ओर विजेताले अर्जेन्टिनाका लागि १५८ खेलमा ८० पटक गोल गरेका छन्। त्यस्तै, २०२१ कोपा अमेरिकामा आफ्नो पहिलो प्रमुख अन्तर्राष्ट्रिय उपाधि समेत उचाल्न उनी सफल भए। एक युट्युब प्रयोगकर्ताले मेस्सीको २००९ देखि २०१३ सम्मको मंत्रमुग्ध प्रदर्शनलाई स्पटलाइट गर्दै एक भिडियो सार्वजनिक गरेका छन्, जुन समयमा मेस्सी आफ्नो करियर कै सर्वश्रेष्ठ फुटबल खेल्दै थिए।
मेस्सी २००८ देखि २०१२ सम्म बार्सिलोनामा उल्लेखनीय पेप ग्वार्डीओला युग अन्तर्गत फस्टाए र क्याम्प नोउमा हरेक ट्रफीहरू जित्न सफल भए। पक्कै पनि, पेरिस सेन्ट-जर्मेनका फरवार्डको रेकर्ड तोड्ने उपलब्धिहरूमा जर्मन दिग्गज गर्ड मुलरको लामो समयदेखिको एक क्यालेन्डर वर्षमा सबैभन्दा बढी गोल गर्ने रेकर्ड तोड्नु पनि रहेको छ। मेस्सीले २०१२ मा बार्सिलोना र अर्जेन्टिनाका लागि सबै प्रतियोगितामा ६९ खेलमा ९१ पटक गोल गरेका थिए।
“मेस्सीको शिखरमा, इतिहासमा कुनै पनि खेलाडी उनको बुटको तुना बाँध्न योग्य पनि थिएनन्,” एक प्रशंसकले टिप्पणी गरे। अरू कसैले पोष्ट गरे: “यदि मैले म-र्नु अघि कुनै खेलाडीलाई मेस्सीको क्षमताको नजिक पनि देखे भने, म आफूलाई धेरै भाग्यशाली मानिस मान्नेछु। सुन्दा अनौठो लाग्न सक्छ तर मेस्सीले पाउनु पर्ने सम्मान अझै पनि पाएका छैनन्, राजा।”
र तेस्रोले थपे: “मेस्सीको यो अवतार रोक्न नसकिने थियो, मलाई याद छ कि कसरी रियल म्याड्रिडले उनलाई जति पटक भेट्दा पनि रोक्न सकेन र उनले या त गोल गर्थे वा गोल गर्न असिस्ट दिन्थे।” जबकि चौथोले भने: “मेस्सीसँग धेरै प्राइम स्टेजहरू थिए (ड्रिबलिङ, प्लेमेकिंग, गोल स्कोरिङ, आदि) तर भगवान २०१२ को मेस्सी बिल्कुल पागल थिए। ६९ खेलमा ९१ गोल र करिब २० असिस्ट। ला लिगामा [कम्तिमा] एक गोलको साथ २१-खेलको स्ट्रीक।”
पाँचौंले लेखे: “कोही पनि यो स्तरको नजिक पनि आउँदैन। म मेस्सीको युगमा बाँचेकोमा आभारी छु।” मेस्सी पीएसजीसँग आफ्नो पहिलो सिजनमा छन् र उनले १५ खेलमा छ गोल र पाँचवटा असिस्ट दर्ता गरेका छन्।
