उमेर पुगेपछि सबैको मनमा बिहे गर्ने चाहना जाग्छ, आफ्नो जिवनमा सेटल हुन चाहनेहरु आफूलाई सहज हुन सक्ने जीवनसाथी खोज्छन् र आफ्नो जीवनमा कुनै पनि सम्झौता नगरी एक अर्कासँग जोडिने किसिमका मानिस खोज्छन्।
यदि यो वर्ष तपाईंको घरमा बाजा बजेन वा कुनै कारणले २०२१ मा तपाईंको प्रेम सम्बन्धलाई विवाहमा परिणत गर्न सकिएन भने अवश्य पनि अर्को वर्ष तपाईंको अपेक्षा अनुसार यो चाहना पूरा होस् भन्ने सबैलाई लाग्छ, तर यो सबै भाग्यले मात्रै निर्णय गर्न सक्छ। यस्तोमा, ज्योतिष शास्त्रको हिसाबले कुल ५ वटा यस्ता राशिहरु छन् जो यस वर्ष २०२२ मा विवाहित हुने सम्भावना छ, कुन-कुन राशि छन् त ? जानौं…..
कर्कट राशि
यस सूचीमा पहिलो नाम कर्कट राशिका व्यक्तिहरूको छ जसले अर्को वर्ष अर्थात् २०२२ मा विवाह गर्न सक्छन्। अगस्ट २०२२ मा शुक्र तपाईंको राशिमा प्रवेश गर्नेछ, त्यसपछि तपाईंको विवाहको सम्भावना बलियो हुनेछ। यदि तपाईं कसैसँग प्रेम विवाह गर्न चाहनुहुन्छ भने, तपाईं सेप्टेम्बर र अक्टोबरमा अगाडि बढ्न सक्नुहुन्छ ताकि डिसेम्बर सम्म तपाईं आफ्नो जीवन साथी पाउन सक्नुहुनेछ। शुक्र र बृहस्पतिलाई बलियो बनाउने प्रयास गर्नुपर्छ।
सिंह राशि
सिंह राशिसँग सम्बन्धित व्यक्तिहरूले अर्को वर्ष आफ्नो जीवनसाथीको खोजी पूरा गर्न सक्छन्। सायद नयाँ वर्षको शुरुवातमा, तपाईंको जीवनमा कोही विशेष व्यक्ति प्रवेश गर्न सक्छ। अप्रिल देखि सेप्टेम्बर २०२२ सम्ममा, तपाईं विवाह गर्नुहुनेछ वा विवाहको कुरा पक्का हुने सम्भावना छ। बृहस्पति र शुक्रको बलले तपाईंको जीवन साथीसँग चाँडै परिचय गराउन सक्छ।
कन्या राशि
कन्या राशिका लागि वर्षको सुरुवाती ४ महिना खासै लाभदायी नहोला तर पछि ग्रहको स्थिति तपाईंको पक्षमा आउनेछ। सेप्टेम्बर २४, २०२२ मा, शुक्र तपाईको राशिमा गोचर हुनेछ, त्यसपछि तपाईंले विवाह गर्ने मन बनाउने र छिट्टै आफ्नो जीवन साथी पनि पाउने सम्भावना रहेको छ। आफन्तको सहयोगले तपाईंको वैवाहिक सम्बन्धलाई पक्का गराउन निकै सहयोग मिल्नेछ।
वृश्चिक राशि
वृश्चिक राशि हुनेहरुका लागि २०२२ साल फलदायी साबित हुनेछ। यो वर्ष तपाईंले करियर र पैसाको हिसाबले ठूलो सफलता पाउनुहुनेछ, तर तपाईंले आफ्नो जीवन साथीको खोजी वर्षको अन्तिम भागमा मात्र गर्नुपर्नेछ। तपाईंको वैवाहिक जीवनको लागि वर्षको पहिलो चरण अनुकूल छैन, तपाईंले यस अवधिमा कुनै पनि सम्बन्ध स्वीकार गर्न सक्नुहुन्न। जुलाई पछि, स्थिति अनुकूल हुनेछ र नोभेम्बर सम्म यो तपाईंको कुरा पक्का हुने सम्भावना रहेको छ।
मीन राशि
मीन राशि भएकाले आगामी वर्ष वैवाहिक जीवनमा बाँधिने सम्भावना रहेको छ। १३ अप्रिल २०२२ देखि, बृहस्पति तपाईंको राशिमा गोचर हुनेछ जसले विवाहको लागि अनुकूल परिस्थितिहरू विकास गर्नेछ। लामो समयदेखि राम्रो सम्बन्धको खोजीमा रहेकाहरुका लागि यो समय निकै राम्रो सावित हुने देखिन्छ। वर्षको पहिलो चौमासिक पछि तपाईंको लागि समय उपयुक्त छ।
