काठमाडौँ – साताको दोस्रो दिन सोमबार नेपाली बजारमा सुनको मूल्य बढेको छ। साताको पहिलो दिन कुनै घटबढ नभएको सुनको मूल्य सोमबार सामान्य रुपले बढेको हो।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मूल्य तोलामा १ सय रुपैंयाँले बढेको छ। जससँगै छापावाला सुनको मूल्य ९३ हजार २ सय रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि १ सय रुपैंयाँले नै बढेको छ। महासंघले दिएको जानकारी अनुसार नेपाली बजारमा तेजाबी सुन प्रतितोला ९२ हजार ७ सय रुपैंयाँमा कारोबार भइरहेको छ।
चाँदीको मूल्य
सुनको मूल्य बढेपनि चाँदीको मूल्य भने घटेको छ। नेपाल सुन चाँदी व्यवसायी महासंघका अनुसार चाँदीको मूल्य तोलामा रु १० ले घटेको छ। नेपाली बजारमा आज चाँदीको मूल्य १ हजार २ सय ५० रुपैंयाँमा कारोबार भइरहेको छ।
