जेरार्ड पिकेले लियोनेल मेस्सी र क्रिस्टियानो रोनाल्डो बीचको ‘GOAT’ बहसलाई एक उत्कृष्ट जवाफ दिँदै अन्त्य गरेका छन्। पिकेले आफ्नो उत्कृष्ट करियरमा मेस्सी र रोनाल्डो दुबैसँग खेल्ने सुनौलो अवसर पाएका छन्।
पिके म्यानचेस्टर युनाइटेडमा पोर्चुगल अन्तर्राष्ट्रियसँग छोटो समयका लागि टिममेट थिए भने बार्सिलोनामा सात पटकको बालोन डी’ओर विजेतासँग प्रशंसनीय स्पेलको आनन्द उठाए। त्यसैले, पिकेले मेस्सी भर्सेस रोनाल्डोको बहसमा फुटबलका दिग्गजहरूको जोडीलाई नजिकबाट र व्यक्तिगत रूपमा राम्रोसँग बुझेका छन्।
यस्तोमा, उनले फुटबलको एक दशक पुरानो प्रश्नमा अविश्वसनीय रूपमा कूटनीतिक जवाफ प्रस्ताव गर्दै मेस्सी मानव नै होइनन् र रोनाल्डो मानव बीचको सर्वश्रेष्ठ भएको बताएका छन्। मेस्सी बनाम रोनाल्डोको बारेमा, स्पेनिस डिफेन्डरले मिरर मार्फत बीटी स्पोर्टलाई भने: “मलाई लाग्छ कि उनीहरु दुबै अद्भुत छन्। हामी विश्वका दुई उत्कृष्ट खेलाडीको बारेमा कुरा गर्दैछौं, हालको मात्र नभएर फुटबल इतिहास कै सर्वश्रेष्ठ।”
“मैले सधैं भनेको छु कि मेस्सीसँग त्यस्तो प्रतिभा छ जुन कसैसँग छैन। मेरो मतलब, उनीसँग नियन्त्रण गर्ने निकै उत्कृष्ट खुबी छ। कहिल्यै पनि उनको खुट्टाबाट बल २ मिटर पनि टाढा जाँदैन। उनलाई रोक्न असम्भव छ, यो प्रतिभा मैले कसैमा देखेको छैन,” उनले भने, क्रिस्टियानो रोनाल्डो एकदमै फरक खेलाडी हुन्, उनीहरु धेरै फरक छन्। उनी अग्लो, बलियो छन्, उनी साँच्चै पूर्ण हुन्। उनले जे पनि गर्न सक्छन्। उनले हेड, फ्रि-किक, पेनाल्टी, वान अँ वान हरेक प्रकारको गोल गर्न सक्छन्।”
पिकेले थपे: “तर मेरो लागि यो मेस्सी मानव होइन तर क्रिस्टियानो मानिसहरु मध्ये सर्वश्रेष्ठ हो।” पिकेको यस्तो उत्तरले यी दुई स्टार बीचको प्रतिद्वन्दलाई निकै राम्रोसँग समेटेको छ।
