काठमाडौँ — नेपाली युवाहरु माझ निकै चर्चित रहेका नेपाली र्यापर ‘लाउरे’ नामले चिनिने गरेका आशिष रानालाई पोखराबाट प्रहरीले पक्राउ गरेको छ। गयराति पोखराको न्युरोड भन्ने ठाउँमा उनलाई ला-गू-औषध खरिद गर्दै गरेको अवस्थामा प्रहरीले रंगे-हात पक्राउ गरेको हो।
जिल्ला प्रहरी कार्यालय कास्कीका प्रमुख एसपी रमेश थापाका अनुसार बुधबार राति आशिष रानालाई ब्रा-उ’न-सु-ग-र किन्दै गरेको अवस्थामा प्रहरीले पक्राउ गरेको हो। लाउरे सहित अन्य तीन जनालाई पनि प्रहरीले पक्राउ गरेको एसपी थापाले बताए।
“लाउरेलाई न्युरोडबाट ब्रा-उ-न-सु’ग-र खरिदबिक्री गर्दै गरेको अवस्थामा पक्राउ गरेका छौं,” उनले भने, “अब उनलाई अदालतबाट म्याद लिएर मुद्दा प्रक्रिया तथा अनुसन्धान अगाडि बढाउने तयारी गरका छौं।
‘मेरो सोल्टा’, ‘नेपफको बाटो’, ‘यो पोखरा मेरो’ जस्ता निकै चर्चित र्याप गीत निकालिसकेका आशिष विशेषगरी नेपाली युवा बीच निकै चर्चित रहेका छन्। उनलाई नेपाल कै सबैभन्दा सफल र उत्कृष्ट कलाकार मध्ये एक मानिन्छ। ‘लाउरे’ हाल हिमालयन रोडिज सिजन ४ मा व्यस्त रहेका थिए।
