बार्सिलोनाको नजर लगातार म्यानचेस्टर सिटीको टोलीमा परेको छ। केहि दिन अगाडी मात्र स्पेनी अन्तर्राष्ट्रिय स्टार फेरान टोरेस अनुबन्ध गरेपछि अब क्लबको नजर डिफेन्डर ऐमरिक लापोर्टमा परेको छ।
यसै सिजनको सुरुवातमा मात्र सर्जियो अगुएरो र एरिक गार्सिया फ्री-ट्रान्सफरको रूपमा सिटीबाट नै बार्सिलोनासँग अनुबन्ध भएका थिए। जसपछि गत साता मात्र पूर्व भ्यालेन्सिया स्टार टोरेस ५५ मिलियन रकममा स्पेन फर्किएका थिए भने अब बार्सिलोनाको नजर लापोर्ट माथि परेको हो। बार्सिलोनाले सिटीको टोलीबाट नजर हटाउँनै नसकेको स्थितिमा पूर्व एथलेटिक क्लब स्टारसँगको सम्झौता बारे सोच्न पनि आउँदो समरमा मात्र सम्भावना रहन्छ, विशेषगरी क्लबको आर्थिक सङ्कटलाई मध्यनजर गर्दा।
लापोर्टले यस सिजन आफूलाई पहिलो रोजाइको रूपमा पुन: स्थापित गरेदेखि सिटीका लागि निकै उत्कृष्ट प्रदर्शन गर्दै आएका छन्। यस्तोमा सिटीले उनलाई सस्तोमा जान दिने सम्भावना छैन। बार्सिलोनाले सन् २०१८ मा एथलेटिक रिलिज क्लज पूरा गर्दा इङ्लिस क्लबले फ्रेन्चमा जन्मेका स्टारका लागि भुक्तान गरेको ६५ मिलियन युरोको नजिक खर्च गर्नुपर्ने हुन्छ।
बार्सिलोना लापोर्टलाई आफ्नो अन्तर्राष्ट्रिय टोलीका साथी र म्यानचेस्टर सिटीका पूर्व रक्षात्मक साझेदार एरिक गार्सियासँग जोड्न चाहन्छ। जेरार्ड पिके आफ्नो करियरको अन्तिम समयमा र गार्सिया अझै अपेक्षाकृत कच्चा रहँदा लापोर्टे निर्विवाद रूपमा आफ्नो करियरको शिखरमा र विश्वको शीर्ष डिफेन्डरहरू मध्ये एक बनेका छन्।
जनावरी २०१८ मा सिटिजन्समा सामेल भएदेखि, लापोर्टले क्लबका लागि १२३ खेलहरू खेलेका खेल्दै नौ गोल गरेका छन् र टोलीलाई सात ट्रफीहरू उचाल्न मद्दत गरेका छन्। २०२१ मा, उनले फ्रान्सबाट आफ्नो राष्ट्रियता परिवर्तन स्पेनको टोलीबाट डेब्यु गरे र लुइस एनरिक पक्षको प्रमुख सदस्य बन्दै अहिलेसम्म १४ खेल खेलिसकेका छन्।
