म्यानचेस्टर युनाइटेडका सुपरस्टार क्रिस्टियानो रोनाल्डोलाई समावेश नगरेको फुटबलको अल-टाइम इलेवन, धेरै, धेरै दुर्लभ हुन्छ। भर्खरै प्रिमियर लिगका पूर्व स्टार मारियो बालोटेलीले फुटबलमा आफ्नो अल्टिमेट इलेभेनबाट क्रिसिटियानोलाई हटाएपछि प्रशंसकहरू स्तब्ध भएका छन्।
म्यानचेस्टर सिटीका पूर्व खेलाडी मारियो बालोटेली सधैं विवादमा आउने गरेका छन्। इटालियन फरवार्डलाई आफ्नो प्राइममा हुँदा विश्वकै उत्कृष्ट खेलाडी मध्ये एक मानिने गरिन्थ्यो। अब, बालोटेलीले फेरि एक पटक आफ्नो अल्टिमेट इलेभेनका लागि छनोट गरेका खेलाडीहरूलाई लिएर फुटबल जगतको ध्यान आफूतर्फ खिचेका छन्।
१४ वर्षभन्दा लामो करियरमा बालोटेलीले इटाली र विभिन्न क्लबका लागि १४१ गोल गरेका छन्। बालोटेलीको उत्कृष्ट स्पेल म्यानचेस्टर सिटीसँग थियो, जहाँ इटालियन रोबर्टो मन्चिनीको निर्देशनमा उनी चम्किएका थिए। उनी आफ्नो करियरभरि धेरै विवादमा परेका थिए र पुन: एक पटक त्यस्तै हलचल मच्चाएको देखिन्छ।
बालोटेलीले क्रिस्टियानो रोनाल्डोलाई आफ्नो अल्टिमेट इलेभेनबाट हटाउने निर्णय गरेका छन्। इटालियनले पोर्चुगलका कप्तान, जसलाई धेरैले सबै समयको महान खेलाडी मान्छन्, लाई त्यस्तो गरेको कारण धेरै फ्यानहरू रिसाएका छन्। मारियो बालोटेल्लीको अल्टिमेट इलेभेनमा धेरै इटालियनहरू छन् जसमा एन्ड्रिया पिर्लो, फाबियो क्यानाभारो, अलेसेन्ड्रो नेस्टा र एन्टोनियो क्यासानो समावेश छन्। पीएसजीका सुपरस्टार लियोनल मेस्सीले बालोटेलीको अल्टिमेट इलेभेनमा स्थान पाएका छन् जसको क्रिस्टियानो रोनाल्डोका धेरै फ्यानहरूमा राम्रो प्रभाव परेन।
फुटबलमा मारियो बालोटेलीको अल्टिमेट इलेभेन:
गोलकिपर:जुलियो सेजर
डिफेन्डर: माइकन, फाबियो क्यानाभारो, अलेसेन्ड्रो नेस्टा, म्याक्स्वेल
मिडफिल्डर: एन्ड्रिया पिर्लो, स्टेभन जेरार्ड, याया टुरे, एन्टोनियो क्यासानो
फरवार्ड: रोनाल्डो नाजारियो, लियोनल मेस्सी
पुमा फुटबलको इन्स्टाग्राम पेजमा थियरी हेनरीसँग कुराकानीको क्रममा टोलीको नामकरण गरेपछि, बालोटेलीले आफ्नो अल्टिमेट इलेवनको बारेमा टिप्पणी गरे। इटालियनले हेनरी र क्रिस्टियानो रोनाल्डोलाई छाडेर पनि आफूसँग राम्रो टोली रहेको बताए। बालोटेलीले भने: “पिर्लोले तपाईंलाई एक वर्षमा दश गोलको ग्यारेन्टी दिन्छन्, यायाले यो सबै गर्न सक्छन्। मलाई लाग्छ कि यो राम्रो टोली हो, यद्यपि मैले तपाईं (हेनरी) लाई बाहिर छाडेँ, मैले (रोनाल्डो) लाई छाडेँ।”
