विन्टर अनुबन्धित खेलाडी फेरान टोरेसलाई दर्ता गर्न सफल नभएपछि बार्सिलोनाले टोरेसलाई म्यानचेस्टर सिटी फर्काउन प्रस्ताव गरेको छ। बार्सिलोनाले सोमबार टोरेसलाई आफ्नो खेलाडीको रूपमा सार्वजनिक गरेको थियो, जसलाई क्लबले पाँच वर्षको सम्झौतामा हस्ताक्षर गर्न प्रारम्भिक £४६ मिलियन तिरेको थियो।
बरसिलोनाले स्पेनिस स्टारको सम्झौतामा १ बिलियनको रिलीज कलज सम्मिलित गरिएको छ तर क्लबको खराब आर्थिक अवस्थाको कारण क्याटालान क्लबले उनलाई टोलीमा समावेश गर्न सकेको छैन। अहिलेको अवस्थामा बार्सिलोना क्लबको पारिश्रमिक बिल घटाउन नसकिने होकी भन्ने चिन्तामा रहेको छ। यसैबीच, क्याडेना सेरका अनुसार, यदि क्लबले टोरेसलाई दर्ता गर्न नसकेको खण्डमा भने उनलाई बाँकी सिजनका लागि सिटी मै फिर्ता पठाउन सकिने सम्भावना बारे बुझ्दै आएको छ।
क्लबले कथित रूपमा टोरेसको शुल्क चार किस्तामा तिर्ने बताइएको छ तर उनीहरूले केही वर्ष अघि डेनिस सुआरेजसँग भएको सम्झौताको सम्बन्धमा सिटीसँग १.५ मिलियन युरो लिन बाँकी रहेको छ। बार्सिलोनाका फुटबल निर्देशक माटेउ अलेमानीले भ्यालेन्सियाका पूर्व खेलाडीलाई किन्दा क्लब आफ्नो अवस्थाबारे सचेत रहेको बताए।
“वास्तविकता यो हो कि जब हामीले फेरानलाई अनुबन्ध गर्यौं हामीलाई थाहा थियो कि हामीसँग उनलाई दर्ता गर्नको लागि कुनै तलब छैन। हामी मान्दछौं कि हामी सक्छौं र हामीले यो गर्ने विभिन्न तरिकाहरूमा काम गरिरहेका छौं,” उनले भने, “हामी विश्वस्त छौं कि हामी आइतबार [बार्सिलोनाले ग्रानाडासँग खेल्दा] अघि यो हासिल गर्नेछौं।”
टोरेस हाल खुट्टाको चोटबाट निको भइरहेका छन् जुन उनलाई स्पेनसँगको अन्तर्राष्ट्रिय ड्युटीमा लागेको थियो, यद्यपि सोमबार नै पुष्टि भएको छ कि उनी कोभिड-१९ का लागि सकारात्मक परीक्षण भएका छन्।
