आर्सनलका पूर्व मिडफिल्डर पेरी ग्रोभ्सले म्यानचेस्टर युनाइटेडले सिजनको अन्त्यमा पोर्चुगलका सुपरस्टार क्रिस्टियानो रोनाल्डोसँग अलग्गिनुपर्ने विश्वास व्यक्त गरेका छन्।
TalkSPORT सँग कुरा गर्दै ग्रोभ्सले पहिको कुरा आफूले त रोनाल्डोलाई क्लबमा ल्याउँदै नल्याउने बताएका छन्। म्यानचेस्टर युनाइटेडको नयाँ प्रबन्धकले आउँदो समरमा पोर्चुगिज सुपरस्टारलाई हटाउनु पर्छ भन्ने पण्डितको विश्वास रहेको छ।
उनले भने, “मैले रोनाल्डो क्लबमा नआउन् भन्न जे पनि गर्न तयार हुन्थें। मैले उनलाई क्लबबाट निकाल्थे किनकि उनी हरेक प्रशिक्षक भन्दा ठूलो हुनेछन्। मानौं, पोचेटिनो आउनेछन्, तर रोनाल्डो उनी भन्दा ठूलो बन्नेछन्। कुनै पनि खेलाडी प्रशिक्षक भन्दा ठूलो हुनु हुँदैन। रोनाल्डोले तपाईंको लागि अझै धेरै गोल गर्नेछन् तर यदि तपाईं प्रगति गर्न चाहनुहुन्छ र आधुनिक, प्रेसिंग खेल, उच्च ऊर्जा होस् भन्ने चाहनुहुन्छ भने रोनाल्डो उपयुक्त खेलाडी हैनन्। तपाईंसँग क्लब कहाँ जाँदैछ भन्ने दृष्टिकोण र स्पष्ट दर्शन हुनुपर्छ।”
क्रिस्टियानो रोनाल्डोले अहिलेसम्म म्यानचेस्टर युनाइटेडमा निकै सफल पुनरागमन गरेका छन्। पूर्व रियल म्याड्रिड फरवार्डले यस सिजन सबै प्रतियोगिताहरूमा २१ खेलमा १४ गोल गरेका छन्। तर उनको प्रदर्शनले टोलीको सफलतामा खासै प्रभाव परेको भने छैन, किनभने रेड डेभिल्स प्रिमियर लिगमा यू औं स्थानमा रहेको छ, शीर्ष ४ भन्दा चार अंकले पछि।
ग्रोभ्सले यो पनि विश्वास गर्छन् कि म्यानचेस्टर युनाइटेडले क्रिस्टियानो रोनाल्डो र जाडोन सान्चोलाई गर्मीमा अनुबन्ध गर्नु अनावश्यक थियो। उनी भन्छन्, “मलाई लाग्छ कि म्यान युनाइटेड अलिकति अहंकारी भयो कि हामी युनाइटेड हौँ र हामीले उत्कृष्ट खेलाडीहरू किन्न सक्छौं भन्ने सोच राखेर। उनीहरूलाई जाडोन सान्चोको आवश्यकता थिएन। उनीहरूलाई रोनाल्डोको आवश्यकता थिएन। उनीहरुसँग हरेक प्रकारक खेलाडी छन् तर एक-अर्कासँग जोडिन सक्ने खेलाडी नै छैनन्।”
