पूर्व ब्राजिलियन खेलाडी रिभाल्डोले सम्भावित बालोन डी’ओर २०२२ को विजेताहरूको बारेमा आफ्नो विचार राखेका छन्। उनले यस वर्ष फुटबल जगतको सबैभन्दा प्रतिष्ठित व्यक्तिगत अवार्ड जित्न सक्ने चार खेलाडीको नाम लिएका हुन्।
२०२१ को बालोन डी’ओर लियोनल मेस्सीलाई प्रदान गरिएको थियो, जसले कीर्तिमानी सातौं पटक यस अवार्ड जितेका थिए। उनले वरियतामा क्रमशः दोस्रो र तेस्रो स्थानमा रहेका रोबर्ट लेवान्डोस्की र जोर्गिन्होलाई पछि पारेका हुन्।
रिभाल्डोले betting.betfair सँग यस वर्षको प्रतिष्ठित पुरस्कारको लागि आफ्नो नजरमा प्रमुख दाबेदारको बारेमा कुरा गर्दा, यसो भने: “सन् २०२१ मा आफ्नो सातौं बालोन डी’ओर अवार्ड दावी गरेपछि मेस्सीका साथै रोबर्ट लेवान्डोस्की २०२२ को अवार्डका लागि दाबेदार हुने नै छन्, तर विश्वकप वर्षमा अन्य खेलाडीहरूले पनि चुनौती सक्छन्।”
उनका अनुसार पेरिस सेन्ट-जर्मेनको जोडी किलियन एमबाप्पे र नेयमारसँग पनि क्लब र अन्तर्राष्ट्रिय स्तरमा उनीहरुको प्रदर्शनलाई ध्यानमा राख्दै पुरस्कार जित्ने ठूलो अवसर हुनेछ। “म यस प्रतियोगितामा एमबाप्पेलाई धेरै रोचक स्थानमा रूपमा देख्छु किनभने उनीसँग पीएसजीसँग च्याम्पियन्स लिग र ६/१ संयुक्त-फेवरेट फ्रान्ससँगको विश्वकप जित्ने राम्रो मौका छ, तर नेयमारको बारेमा पनि यही भन्न सकिन्छ, जो पीएसजी मै खेल्छन् र ब्राजिलको राष्ट्रिय टोलीलाई कमाण्ड गर्छन् जसलाई आउँदो विश्वकपमा ६/१ बेटिंगका साथ विश्वकप जित्न सक्ने अर्को संयुक्त-फेवरेट राष्ट्र हो।”
रिभाल्डोले अन्ततः अवार्डको प्रवर्तक फ्रान्स फुटबलले यस वर्ष बालोन डी’ओर प्रदान गर्न विश्वकपको अन्त्यसम्म कुर्नु पर्ने धारणा राखेका छन्। उनले थपे: “मलाई लाग्छ कि फ्रान्स फुटबलले वर्षको उत्कृष्ट खेलाडीको लागि भोट प्रवर्द्धन गर्नु अघि विश्वकपको समापनको लागि कुर्नु पर्छ किनभने धेरै निर्णयहरू २०२२ को विश्वकप प्रदर्शनमा निर्भर हुन सक्छ।”
