लियोनेल मेस्सी र क्रिस्टियानो रोनाल्डो फुटबल परिदृश्यमा देखा पर्दादेखि नै प्रतिद्वन्द्वी हुन्। तर सामान्य अर्थमा प्रतिद्वन्द्वी हैनन्। मेस्सी र रोनाल्डोले कहिल्यै एक अर्कालाई गाली गरेनन् वा प्रेसमा एक-अर्काको नराम्रो कुरा भनेका छन्।
वास्तवमा, यी दुई स्टारले प्राय: एकअर्कालाई पिच तथा मैदान बहिर अत्यन्तै सम्मान देखाएका छन्, रोनाल्डोले मेस्सीलाई २०१९ मा डिनरका लागि निम्तो पनि दिएका थिए। “हामीले १५ वर्ष स्टेज साझा गरेका छौं। मलाई थाहा छैन कि यो पहिले भएको थियो – एउटै मञ्चमा सधैं दुई खेलाडी,” रोनाल्डोले तीन वर्ष अघि मेस्सीको बारेमा भने, “निस्सन्देह, हामीबीच राम्रो सम्बन्ध छ। हामीले अहिलेसम्म सँगै डिनर गरेका छैनौं, तर म भविष्यमा आशा गर्छु। हामीले स्पेनमा त्यो लडाइँ गरेका थियौं। मैले उनलाई उत्कृष्ट बन्न धक्का दिएँ र उनले पनि मलाई। त्यसैले फुटबल इतिहासको भाग बन्न पाएकोमा खुसी छु।”
मेस्सीले पछि निमन्त्रणा स्वीकार गरे र सुपरस्पोर्ट टिभीलाई भने: “हो, मलाई यसमा कुनै समस्या छैन। हामी साथी नहुन सक्छौं किनभने हामीले कहिल्यै सँगै ड्रेसिङ रुम साझा गरेका छैनौं तर म सधैं उनलाई अवार्ड शोहरूमा देख्छु र त्यहाँ कुनै समस्या छैन। मलाई थाहा छैन कि साँच्चै हामी एकसाथ डिनर गर्छौं कि गर्दैनौं किनकि हामी बाटो नै फरक रहेको छ। तर म निमन्त्रणा स्वीकार गर्नेछु।”
निस्सन्देह, त्यहाँ घर्षणको क्षणहरू छन्। रोनाल्डो कुनै अन्तर्वार्ताबाट कहिले पनि पछि हट्दैनन् र सधैं कुनै विषयमा आफ्नो विचार राख्न उत्सुक हुन्छन्। २०१७ मा आफ्नो पाँचौं बालोन डी’ओर जित्दा, रोनाल्डोले आफ्नो प्रशंसा गरे र मेस्सी पनि आफ्नो स्तरमा नरहेको बताएका थिए। रोनाल्डोले भने: “मैले जत्तिको व्यक्तिगत अवार्ड अरू कुनै खेलाडीले जितेका छैनन्। र म यहाँ बालोन डी’ओरको बारेमा मात्र कुरा गरिरहेको छैन। मानिसले सोचे जस्तो मैले जिममा गरेको काम मात्रै होइन। यो धेरै चीजहरूको संयोजन हो।”
“फ्लोयड मेवेदर वा लेब्रोन जेम्स जस्ता दिग्गजहरू, तिनीहरू संयोगले पूर्णताको यो स्तरमा पुग्न सकेनन्। धेरै कारकहरू सँगै आउनुपर्छ। शीर्षमा हुन र त्यहाँ रहन, तपाईंसँग सधैं अरू भन्दा धेरै प्रतिभा हुनुपर्छ। म सबैको प्राथमिकतालाई सम्मान गर्छु। तर म भन्दा राम्रो कोही देख्दिन। म सधैं त्यही सोच्थें। मैले गर्न सक्ने कुरा अरु कुनै खेलाडीले पनि गर्न सक्दैनन्। मानिसहरूलाई नेयमार वा मेस्सीलाई प्राथमिकता दिने अधिकार छ। तर म जोड दिन्छु: म भन्दा पूर्ण कोही छैन।”
रोनाल्डोको उक्त दाबीपछि मेस्सीले रोनाल्डोलाई बालोन डी’ओरमा छायाँमा पार्दै यस सिजन कीर्तिमानी सातौं उपाधि जितेका छन्। गोल्डेन बल सङ्कलन गरेपछि, पीएसजी स्टारले हरेक अन्तर्वार्तामा रोनाल्डोसँग आफ्नो प्रतिद्वन्द्वीलाई सन्दर्भ नदिने विकल्प रोजे। म्यानचेस्टर युनाइटेड फरवार्ड, तथापि, एक इन्स्टाग्राम पोस्टमा “फ्याक्ट” शब्दको साथ फ्रान्स फुटबलले सधैं मेस्सीलाई बालोन डी’ओर प्रदान गर्ने तरिका खोज्ने दाबी गरेका थिए, मेस्सीको सिजन खराब गएपनि।
माथि उल्लेख गरिएझैं, रोनाल्डोले मेस्सीसँगको आफ्नो प्रतिद्वन्द्विताको बारेमा सधैं धेरै कुरा भनेका छन् र धेरै अवसरहरूमा आफ्नो प्रतिद्वन्दी प्रति प्रहार गरिरहेका हुन्छन्। तर यसको मतलब यो हैन कि अर्जेन्टिनी स्टारले कहिल्यै केही पनि बोलेका छैनन्। मेस्सीले सधैं आफ्नो आलोचना आफ्नो मनमा लिएर हिडेका छन्। र उनले सन् २०१९ मा युरोपको टप ५ लिगमा सबैभन्दा बढी गोल गरेर युरोपियन गोल्डेन बुट जितेपछि रोनाल्डो माथि घुमाएर कडा प्रहार गरेका थिए।
अवार्ड समारोहपछि मेस्सीले भने, “म मानिसहरूले मेरो बारेमा कुरा गरुन् भन्ने चाहन्छु। मलाई थाहा छ म के हुँ, मैले के गरेँ र म के दिन सक्छु, तर म यो आफैमा राख्छु। मानिसले आफ्नो भनाई राख्न सक्छन्। मलाई आफ्नो बारेमा कुरा गर्न मन लाग्दैन, मलाई सामूहिक कुरा गर्न मनपर्छ।”
