एजेन्सी – प्रिमियर लिग क्लब म्यानचेस्टर युनाइटेड क्रिस्टियानो रोनाल्डोलाई प्रतिस्थापन गर्ने तयारीमा जुटेको छ। यसै सिजन युभेन्टसबाट युनाइटेड आएका रोनाल्डोबाट सन्तोषजनक प्रदर्शन हुन नसकेपछि युनाइटेड उनको ठाउँ लिने खेलाडीको खोजिमा जुटेको हो।
युनाइटेडलाई महत्वपूर्ण उपाधिहरु दिलाउने लक्ष्य सहित युनाइटेड आएका रोनाल्डोको प्रदर्शन त्यति राम्रो हुन सकिरहेको छैन। रोनाल्डोले प्रिमियर लिगमा युनाइटेडका १८ खेल खेल्दा मात्रै ८ गोल गरेका छन्। रोनाल्डोको कम्जोर प्रदर्शन पछि युनाइटेड कम उमेरका सशक्त स्ट्राइकर फरवार्डको खोजिमा जुटेको छ।
पछिल्लो खबरका अनुसार युनाइटेडले रोनाल्डोको स्थानमा लालिगा क्लब रियल सोसिडाडका अलेक्जेन्डर इसाकलाई ल्याउने योजना बनाएको छ। इसाकले रोनाल्डोलाई युनाइटेडमा प्रतिस्थापन गर्न सक्ने बेलायती मिडिया मिररले जनाएको छ।
तर सहज छैन अलेक्जेन्डरलाई भित्र्याउन
अलेक्जेन्डर माथि युनाइटेडको मात्र नजर छैन। उनी माथि अन्य प्रिमियर लिगको पनि नजर रहेको छ। उनी सबै भन्दा बढी आर्सनलको प्राथमिकतामा छन्। आर्सनलले उनलाई यसै जनवरी ट्रान्सफर विन्डोमा पनि भित्र्याउने प्रयास गरेको थियो। तर ७५ मिलियन युरोको रिलिज क्लज महँगो लागेपछि आर्सनल ब्याक भएको थियो।
आउने ट्रान्सफर विन्डोमा भने आर्सनलले उनलाई भित्र्याउने प्रयास गर्नेछ। त्यस्तै प्रिमियर लिग क्लबकै अर्को क्लब चेल्सीले पनि अलेक्जेन्डरको सम्बन्धमा ध्यान दिरहेको छ।
