एजेन्सी – इंग्लिस क्लब लिभरपुलका स्टार फरवार्डद्धय साडियो माने र मोहम्मद सलाह अफ्रिका कप अफ नेसन्स (काफ) को बेस्ट ११ मा परेका छन् ।
आइतबार राति मोहम्मद सलाहको इजिप्टलाई टाइब्रेकरमा ४–२ ले हराउँदै साडियो मानेको सेनेगल पहिलोपटक अफ्रिका महादेशको च्याम्पियन बनेको थियो ।
च्याम्पियन सेनेगलबाट मानेसँगै गोलरक्षक इडुआर्ड मेन्डी, लेफ्टब्याक सालिउ सिस र मिडफिल्डर नामपालिस मेन्डी वेस्ट ११ मा पर्दा कप्तान कालिडो कौलिवाली र फामारा डिडिहियो वैकल्पिक खेलाडीमा समावेश छन् ।
मोरोक्कोका अचरफ हाकिमी र इजिप्टका सलाह क्रमश राइट डिफेन्सिभ र आक्रमणमा रहेका छन् । बाँकी टोलीमा इजिप्टका मोहम्मद अब्देलमोनेम, बुर्किना फासोका एडमन्ड टपसोवा, इजिप्टका मोहम्मद इलाने, बुर्किना फासोका इब्राहिम ब्लाटी टाउरे र क्यामरुनका भिन्सेन्ट अबुबाकर रहेका छन् ।
वैकल्पिक खेलाडीमा क्यामरुनका गोलरक्षक आन्द्रे ओनाना, क्यामरुनकै कोलिन्स फाई, इजिप्टका मामुद हाम्दी, इजिप्टकै अहमेद एवो, क्यामरुनका आन्द्रे इनगुइसा, कोमोरसका युसुफ एम’चाङ्मा, बुर्किना फासोका बर्टान्ड ट्राओरे, मोरोक्कोका सोफिएन बोउफल र क्यामरुनका टोको इकम्वी रहेका छन् ।
बेस्ट ११
इडुआर्ड मेन्डी (गोलरक्षक), अचरफ हाकिमी (राइटब्याक), मोहम्मद अब्देलमोनेम (सेन्टरब्याक), इडमन्ड टपसोवा (सेन्टरब्याक), सालिउ सिस (लेफ्टब्याक), मोहम्मद इलाने (सेन्ट्रल मिडफिल्डर), नामपालिस मेन्डी (सेन्ट्रल मिडफिल्डर), ब्लाटी टाउरे (सेन्ट्रल मिडफिल्डर), मोहम्मद सलाह (राइट विंगर), भिन्सेन्ट अबुबाकर (फरवार्ड) र साडियो माने (राइट विंगर)
वैकल्पिक
आन्द्रे ओनाना, कोलिन्स फाई, कालिडो कौलिवाली, मामुद हाम्दी, एहमेद एवो, आन्द्रे इनगुइसा, युसुफ एम’चाङ्मा, बर्टान्ड ट्राओरे, सोफिएन बोउफल, टोको इकम्वी र फामारा डिडिहियो
