एजेन्सी – बार्सिलोनामा पूर्व खेलाडी बोजान क्रिकिकले रोनाल्डिन्हो फुटबल इतिहाँसकै उत्कृष्ट खेलाडी रहेको बताएका छन्। एक मिडियासँग कुराकानी गर्नेक्रममा क्रिकिकले रोनाल्डिन्हो अहिले सम्मकै उत्कृष्ट फुटबल खेलाडी रहेको बताएका हुन्।
क्रिकिक कुनै एक समयमा बार्सिलोनाको भविष्यको रुपमा रहेका थिए। उनलाई धेरैले ‘अर्को मेस्सी’को रुपमा लिन्थे। सो विषयमा एक मिडियामा कुराकानी गर्नेक्रममा आफू मेस्सी जस्तो उत्कृष्ट छैन भन्ने कुरामा त्यसबेला नै स्पष्ट रहेको बताए। उनका अनुसार मेस्सी जस्तो कोहि पनि छैन।
त्यसक्रममा उनले रोनाल्डिन्हो जस्तो कोहि नरहेको भन्न पनि छुटाएनन्। मेस्सी र रोनाल्डिन्हो दुवैसँग खेलेका क्रिकिकका अनुसार मेस्सी जस्तो कोहि छैनन् र रोनाल्डिन्हो जति उत्कृष्ट मेस्सी पनि होइनन्।
“तपाईलाई थाहा छ, त्यो उमेरमा मानिसहरूले तपाइँको बारेमा के भन्छन् भन्ने कुरालाई बुझ्न धेरै गार्हो थियो। अरुले के भन्छन् भन्ने कुरालाई मैले नियन्त्रण गर्ने कुरा त रहेन। तर म मेस्सी होइन भन्नेमा स्पष्ट थिएँ।”,क्रिकिकले भने।
क्रिकिकका लागि रोनाल्डिन्हो इतिहाँसकै सबै भन्दा उत्कृष्ट खेलाडी हुन्। उनले भने,”कोही पनि मेस्सी होइनन् र मेस्सी रोनाल्डिन्हो होइनन्। मेरा लागि रोनाल्डिन्हो इतिहासकै उत्कृष्ट खेलाडी हुन्।”
