एजेन्सी – अग्रता जोगाउन नसक्दा म्यानचेस्टर युनाइटेडले प्रिमियर लिगमा अंक बाँडेको छ। शनिबार राति घरेलु मैदान ओल्ड ट्राफोर्डमा भएको खेलमा युनाइटेडले साउथह्याम्पटनसँग अंक बाँडेको हो।
खेलको शुरुवातमा साउथह्याम्पटन माथि दबाव बनाउन सकेपनि दोस्रो युनाइटेडले दोस्रो हाफमा सो लयलाई कायम राख्न सकेन। युनाइटेडका लागि जाडोन सान्चोले २१ औं गोल गरेका थिए। रासफोर्डले दिएको चलाखीपूर्ण पासलाई सान्चोले गोलमा परिणत गरेका थिए। त्यसपछि पहिलो हाफमा दुवै टोलीबाट कुनै पनि गोल भएन।
तर दोस्रो हाफको शुरुवाती समयमै युनाइटेडले गोल बेहोर्यो। खेलको ४८ औं मिनेटमा मोहम्मद एल्युनौसीले दिएको पासलाई चे एडम्सले पोस्टको बाटो देखाएका थिए। एडम्सको गोल पछि दुवै टोलीबाट थप प्रहार भएपनि गोल हुन भने सकेन।
युनाइटेडले बलमा ५६ प्रतिशत पकड राख्दा १२ प्रहार गरेको थियो। ती मध्ये ८ प्रहार टार्गेटमा थिए। त्यस्तै साउथह्याम्पटनको तर्फबाट भने कुल १३ प्रहार हुँदा मात्रै ४ प्रहार टार्गेटमा थिए।
अंक बाँडिएसँगै युनाइटेड शिर्ष चारमा उक्लिन सकेन। युनाइटेड ४० अंक सहित पाँचौ स्थानमा उक्लिएको छ। युनाइटेडले सिजनका २४ खेल खेल्दा ११ खेलमा जित निकालेको छ भने ६ खेलमा हार बेहोरेको छ। त्यति ७ खेलमा भने युनाइटेडले बराबरी खेलेको छ।
त्यस्तै शनिबार युनाइटेडसँग एक अंक खोसेसँगै साउथह्याम्पटन १० औं स्थानमै यथावत रहेको छ। साउथह्याम्पटनले २४ खेल खेल्दा ६ खेलमा जित निकालेको छ भने ७ खेलमा हार बेहोरेको छ।
