वैदिक ज्योतिषमा, ग्रहको अस्तको प्रभावले सबै १२ राशि चिन्हहरूलाई असर गर्छ। प्रत्येक राशिको आफ्नै शासक ग्रह हुन्छ। फेब्रुअरी १९, २०२२ मा, देवगुरु बृहस्पति शनिको स्वराशी कुम्भ राशिमा अस्ताउँदैछ। अर्थात् बृहस्पति ग्रहको प्रभाव यस अवधिमा कम हुनेछ। वैदिक ज्योतिषमा बृहस्पति ग्रहलाई विस्तार, भाग्य, ज्ञान र सुख र धनको कारक मानिन्छ।
गुरु अस्त हुने समय
फेब्रुअरी १९ मा देवगुरु बृहस्पति बिहान ११:२८ बजे कुम्भ राशिमा अस्त हुनेछन्। २० मार्च, २०२२, बिहान ९:५० मा, गुरु यहि राशिमा आफ्नो सामान्य अवस्थामा फर्किनेछ। जान्नुहोस् कुन राशिमा यसको नकारात्मक प्रभाव पर्नेछ….
मेष राशि
मेष राशिका लागि बृहस्पति अस्त शुभ मानिने छैन। यस समयमा कार्यस्थलमा समस्याको सामना गर्नु पर्नेछ। खर्च बढ्न सक्छ। जीवनसाथीसँग मनमुटाव हुन सक्छ। मानसिक तनावको सिकार हुन सकिन्छ।
वृष राशि
वृष राशिका व्यक्तिहरुको यो अवधिमा मनका मनोकामना अधुरा रहन सक्छन्। यदि तपाईं काममा परिवर्तन गर्ने विचार गर्दै हुनुहुन्छ भने, त्यसलाई तत्कालका लागि स्थगित गर्नुहोस्। यस अवधिमा व्यापारमा सुस्तता आउन सक्छ। जीवनसाथीसँग मनमुटाव हुन सक्छ। स्वास्थ्यको ख्याल गर्नु होला।
मिथुन राशि
मिथुन राशिका व्यक्तिहरूले आफ्नो करियरमा कठिनाइहरूको सामना गर्नुपर्ने हुन सक्छ। यस समयमा गरिएको काम बिग्रन सक्छ। आर्थिक संकटको सामना गर्नुपर्ने हुनसक्छ। पारिवारिक समस्याका कारण मानसिक तनाव आउन सक्छ।
कर्कट राशि
बृहस्पति ग्रहको अस्तले कर्कट राशिका लागि शुभ संकेत दिइरहेको छैन। यस समयमा, तपाईंले कार्यहरूमा सफलता प्राप्त गर्न कडा मेहनत गर्नुपर्ने हुन सक्छ। आर्थिक समस्याको सामना गर्नु पर्नेछ। जीवनसाथीसँग विवाद हुनसक्छ। आफ्नो खानपानमा ख्याल गर्नुहोस्।
