बायर्न म्युनिखका पूर्व डिफेन्डर बिक्सेन्टे लिजाराजुले पीएसजीले किलियन एमबाप्पेलाई रियल मड्रिडसँग अनुबन्ध हुन दिए गम्भीर गल्ती हुने दाबी गरेका छन्। फ्रान्सेली स्टारले पेरिसियनहरूसँगको उनको सम्झौता समाप्त भएपछि आउँदो समरमा स्पेनी दिग्गजहरूसँग सामेल हुने धेरैले विश्वास गरेका छन्।
यस्तोमा पीएसजी छोटो समयका लागि पूर्व मोनाको स्टारसँगको सम्झौता नवीकरण गर्ने प्रयासमा रहेको थुप्रै रिपोर्टहरुले जनाएका छन्। तर आफ्नो हालको सम्झौतामा चार महिना मात्र बाँकी रहँदा २३ वर्षीय स्टार पार्क डे प्रिन्सेस छोड्न तयार रहेको देखिन्छ। उनले आफ्नो वर्तमान टोलीको सम्मान गर्दै रियल म्याड्रिडसँगको च्याम्पियन्स लिग टाई पछि आफ्नो भविष्य बारे निर्णय गर्ने बताइएको छ।
विडम्बनाको कुरा के छ भने, यी दुई टोली बीच पहिलो लेगमा मंगलबार म्याड्रिड विरुद्ध एमबाप्पे पीएसजीका लागि विजयी गोल गर्न सफल भएका थिए, जसले ९४ औं मिनेटमा गोल गर्दै पीएसजीलाई महतवपूर्ण जीत दिलाएका थिए। पेरिस क्लबले अब मार्च ९ मा स्यान्टियागो बर्नाबेउमा रिटर्न लेगमा १-० को फाइदाका साथ दोस्रो जानेछन्।
यद्यपि, लिजाराजुले एम्बाप्पेलाई पीएसजीले छोडेमा ठूलो घाटा हुने महसुस गर्छन्। फ्रान्स इन्फोसँगको अन्तर्वार्तामा उनले भने: “यदि उनी रियल म्याड्रिडमा गए भने यो पीएसजीको लागि गम्भीर व्यवस्थापन गल्ती हुनेछ उनलाई मनाउन नसकेकोमा… यस्तो प्रोफाइलको खेलाडी, त्यो प्रतिभाको, आफ्नो युवावस्थामा गुमाउनु, धेरै गम्भीर गल्ती हुनेछ।”
“उनी एक पेशेवर हुन्, उनले आफ्नो टोलीको लागि सबै दिन्छन्। उनी एक असाधारण खेलाडी हुन्, ग्यालेक्टिक, आफ्नै बलमा खेलको रङ्ग परिवर्तन गर्न सक्षम छन्। उनी यस वर्ष पीएसजीका मुख्य स्टार हुन्,” उनले भने, “त्यहाँ कुनै बहस छैन, उनी निरपेक्ष स्टार खेलाडी हुन्, जो अरू सबै भन्दा माथि छन्।”
