मेष राशि
यो हप्ता तपाईंको आर्थिक स्थिति बलियो रहनेछ। आर्थिक लाभ मिल्ने पूर्ण सम्भावना रहेको छ। नयाँ कार्य सुरु गर्नको लागि यो समय निकै उत्तम रहनेछ। रोकिएका अधुरा काम पुनः सुरु हुन सक्छ। धार्मिक कार्यमा तपाईंको मन लाग्नेछ। स्वास्थ्यको हिसाबले भने यो साता त्यति राम्रो नरहला। सौन्दर्य क्षेत्रमा खर्च हुनसक्छ।
वृष राशि
यो हप्ता तपाईंको लागि समग्रमा सकारात्मक रहनेछ। कार्यक्षेत्रमा तपाईं आफ्नो प्रभुत्व जमाउन सक्नुहुनेछ। लामो समयबाट अधुरा रहेका कार्य यो साता पुन सुचारु हुनेछन्। कुनै कुराले मनमा शान्ति छाउनेछ। परोपकारका क्षेत्रमा मन लाग्नेछ। प्रेममा मधुरता छाउनेछ। कार्यक्षेत्रमा जिम्मेवारी बढ्नेछ।
मिथुन राशि
मिथुन राशिका मानिसको लागि पनि यो समय निकै शुभ रहनेछ। धार्मिक कार्यमा संलग्न हुने मौका मिल्नेछ। विद्यार्थी वर्गको लागि पनि यो साता निकै अनुकूल रहनेछ। तपाईंको मिठो बोलीको प्रभाव अन्य मानिसमा पर्न सक्छ। छोटो दुरीको लाभदायक यात्राको योग बन्ने देखिन्छ। सन्तान सुख पनि प्राप्त हुनसक्छ।
कर्कट राशि
आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनसक्छ। साताको अन्त्यमा भने परिश्रम अनुसारको फल नमिल्दा मनमा थोरै खलल पर्नसक्छ। यस समयमा तपाईंले आफ्नो व्यक्तित्वले अन्य मानिसलाई प्रभावित गर्न सक्नुहुनेछ। काम गर्ने जोश जाँगर र उमङ्ग बढ्नेछ। शिक्षा क्षेत्रमा भने तपाईंको लागि समय त्यति अनुकूल नरहला।
सिंह राशि
आकस्मिक धन लाभ मिल्ने सम्भावना देखिन्छ। कला तथा प्रविधिको क्षेत्रमा विशेष सफलता मिल्ने सङ्केत रहेको छ। स्वास्थ्यको कुरा गर्नुपर्दा यो समयमा स्वास्थ्यमा समस्या आउनसक्छ, सावधान रहनुहोस्। दैनिक कार्यमा भने सफलता प्राप्त हुनेछ। नसोचेको ठाउँबाट धन लाभ मिल्नेछ।
कन्या राशि
कार्यक्षेत्रमा तपाईंको जिम्मेवारीमा वृद्धि हुनेछ। यो समयमा तपाईंलाई भाग्यले पूरा साथ दिनेछ। सुन्दर पहिरनले व्यक्तित्वमा निखारता ल्याउनेछ। व्यापार व्यवासयमा रहेका मानिसको लागि यो हप्ता निकै लाभदायक साबित हुनेछ। साथी-भाइ तथा आफन्तसँग रमणीय भेटघाट हुनेछ। धार्मिक यात्राको पनि योग रहेको छ।
तुला राशि
साताको सुरुवातमा तपाईंको स्वास्थ्य त्यति राम्रो नरहला। हातमा लागेको काम पनि फुत्किने सम्भावना रहेको छ। हप्ताको मध्यबाट भने परिस्थिति अनुकूल हुँदै जानेछ। रमणीय यात्राको सम्भावना रहेको छ। वैदेशिक कार्यमा सफलता मिल्नेछ। वरिष्ठ व्यक्तिको मद्दतले विशेष कार्य सम्पन्न हुनसक्छ।
वृश्चिक राशि
तपाईंलाई यो हप्ता हरेक कार्यमा भाग्यले पूर्ण साथ दिनेछ। आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनेछ। कला तथा साहित्य क्षेत्रमा तपाईंको रुची बढ्नेछ। रोजगारीको खोजीमा रहेका मानिसले यो हप्ता सफलता प्राप्त गर्न सक्छन्। सामाजिक क्षेत्रमा मान-सम्मान बढ्नुका साथै धन लाभ पनि मिल्नेछ।
धनु राशि
यो हप्ता तपाईंले हरेक क्षेत्रमा सफलता प्राप्त गर्न सक्नुहुनेछ। कुनै नयाँ ठाउँमा निवेश र लगानीको वातावरण बन्नेछ। लामो यात्राको योग बन्ने देखिन्छ। यात्रा लाभदायक साबित हुनेछ। धन लाभ मिल्ने प्रवल सम्भावना रहेको छ। कार्यक्षेत्रमा तपाईंको कामको सराहना हुनेछ।
मकर राशि
पारिवारिक वातावरण निकै सुखमय रहनेछ। सामाजिक क्षेत्रमा तपाईंको मान-सम्मान बढ्नेछ। घरमा कुनै शुभ कार्य आयोजना हुने सम्भावना रहेको छ। प्रेम सम्बन्ध निकै बलियो हुनेछ। रमणीय यात्राको सम्भावना रहेको छ। व्यापार व्यवसाय गर्ने मानिसको लागि भने यो समय अनुकूल छैन। घर व्यवहारको समस्याले सताउनेछ।
कुम्भ राशि
हप्ताको सुरुवात त्यति शुभ नरहला। अनावश्यक खर्च हुँदा तपाईंको आर्थिक स्थिति कमजोर हुनसक्छ। साताको मध्यबाट भने मनमा शान्ति छाउनेछ। आफ्नो योजना गोप्य राखेर गरेको काम सफल हुने सम्भावना उच्च रहेको छ। किनमेल गर्दा विशेष सावधानी अपनाउनुहोला, सामानहरू छुट्ने वा हराउने सम्भावना छ।
मीन राशि
नयाँ क्षेत्रमा लाग्ने र काम गर्ने मौका पाउनुहुनेछ। आफन्तबाट विशेष सहयोगको आशा गर्न सकिन्छ। आफन्तको सुझावले महत्त्वपूर्ण कार्य सफलताका साथ सम्पन्न गर्न सकिन्छ। साताको अन्त्यमा काममा अवरोध सृजना हुनसक्ने सम्भावना रहेकोले सङ्घर्षको सामना गर्नुपर्ने हुनसक्छ।
