शनिबार पेरिस सेन्ट जर्मेन (पिएसजी) ले नान्टेससँग ३–१ को हार बेहोर्दा उक्त खेलमा पीएसजी स्टार नेयमारले सिजनकै सबैभन्दा खराब पेनाल्टी लिएका थिए।
रान्डल कोलो मुआनी, क्वेन्टिन मर्लिन र लुडोभिक ब्लासको पेनाल्टी गोलबाट हाफ टाइममा पीएसजी ३–० ले पछि परेको थियो। दोस्रो हाफ सुरु भए लगत्तै नेयमारले पीएसजीका लागि एक गोल फर्काए। जसपछि विपक्षी टोलीका खेलाडीले किलियन एमबाप्पेलाई दि-बक्स भित्र लडाएपछि नेयमारले पेनाल्टीबाट दोस्रो गोल गर्ने मौका पाए।
त्यसपछि के भयो ? ब्राजिलियन स्टार खेलाडीले स्पट किकबाट सिधै गोलकिपरको हातमा बल प्रहार गरे। जसपछि खेलमा कुनै गोल हुन नसक्दा पीएसजी ३-१ को लज्जास्पद हार बेहोर्न बाध्य भयो। पीएसजीको यो सिजनको मात्र दोस्रो लिग हार हो र यो मंगलबार च्याम्पियन्स लिगमा रियल म्याड्रिड विरुद्धको प्रभावशाली जितपछि आयो।
खेलपछि फ्यानहरूले नेयमारको पेनाल्टी बारे अनेक प्रतिक्रिया दिएका छन् र ३० वर्षीय स्टारको पेनाल्टी किक देखेर छक्क परेका छन्।
एकजनाले कमेन्ट गरे: “सबै सिजनभर मै देखेको सबैभन्दा खराब पेनाल्टी? मैले देखेको सबैभन्दा खराब।”
अर्कोले भने: “बललाई गोलकिपरको हातमा दिनको लागि चुम्बन गर्दै।”
https://youtu.be/7J9HVa4HkcY
तेस्रो भन्छन्: “३-१ ले आफ्नो टोली पछाडी हुँदा यस्तो पेनाल्टी लिने कल्पना गर्न सक्दिन?”
जबकि एकले ट्वीट गरे: “त्यहाँ धेरै मानिसहरूले यो खेलाडीलाई रोनाल्डो भन्दा राम्रो छन् भन्ने प्रयास गर्छन्। अविश्वसनीय।”
