हत्केलामा रहेका रेखाहरूले मानिसको स्वभाव र भाग्यको बारेमा बताउँछ। तर तपाईंलाई हत्केलामा रहेका रेखाहरूका साथसाथै केही चिन्हहरूको बारेमा पनि थाहा हुनुपर्छ। यदि तपाईंको हातमा पनि यी संकेतहरू छन् भने तपाईंलाई धेरै भाग्यशाली मानिन्छ। आउनुहोस् जानौं कुन-कुन यस्ता संकेतहरू छन् जुन हातमा हुनु धेरै भाग्यशाली मानिन्छ।
हत्केलामा माला, धनुष र चक्रको आकार
जो मानिसको हत्केलामा माला, धनुष वा चक्रको चिन्ह हुन्छ, त्यस्ता व्यक्तिमा माता लक्ष्मीको कृपा सधैं रहने विश्वास गरिन्छ। यस्ता मनिसको जीवनमा कहिल्यै पनि धनको कमी हुँदैन। यदि तपाईंको हातमा पनि यस्ता शुभ चिन्ह छन् भने तपाईंले दैनिक रूपमा लक्ष्मीको पूजा गर्नु पर्छ। यसका साथै घरमा सरसफाइमा पनि ध्यान दिनुपर्छ।
हातमा घोडाको चिन्ह
यदि कसैको हातमा घोडाको निशान वा स्तम्भ छ भने उन्कता मानिसको जीवन निकै सुखमय हुने विश्वास गरिन्छ। जसको हातमा यो चिन्ह हुन्छ, उनीहरु धेरै मेहनती पनि हुन्छन् र उनीहरुलाई छिट्टै सफलता मिल्छ। त्यस्ता व्यक्तिहरू धेरै मेहनती हुन्छन् जसले कडा परिश्रमले आफ्नो लक्ष्य प्राप्त गर्छन्।
हातमा तराजुको चिन्ह
हातमा तराजुको निशान हुने मानिसलाई धेरै भाग्यशाली मानिन्छ। यस्ता मानिसहरु पछि धेरै राम्रा व्यापारी बन्ने र उनीहरुको जीवनमा धनको कमी नहुने विश्वास गरिन्छ। जसको हत्केलामा तराजुको चिन्ह हुन्छ, उनीहरुले दनिक रूपमा लक्ष्मीको पूजा गर्नुपर्छ।
हातमा माछा चिन्ह
जसको हातमा माछाको चिन्ह हुन्छ त्यो मानिसलाई धेरै भाग्यशाली मानिन्छ, उसलाई कहिल्यै धनको कमी हुँदैन। यसका साथै हातमा यी निशान भएका व्यक्तिको आयु लामो हुने विश्वास पनि गरिन्छ। यस्ता व्यक्तिले धेरै नाम कमाउँछन् र उच्च पद पनि पाउँछन्।
हातमा त्रिशूलको चिन्ह
हत्केलामा त्रिशूलको चिन्ह हुने व्यक्ति धेरै भाग्यशाली हुन्छन्, जसले सदैव लक्ष्मीको पूजा गर्नुपर्छ, किनभने यस्ता व्यक्तिमा लक्ष्मीको आशिर्वाद सधैं रहन्छ भन्ने मान्यता रहेको छ। हत्केलामा त्रिशूलको चिन्ह हुनु धेरै शुभ हो।
