काठमाडौँ : ज्योतिष शास्त्रका अनुसार धन-वैभव, सुख र ऐश्वर्यको कारक ग्रह शुक्रले यहीँ फागुन १५ गते आइतबार(२७ फेब्रुअरी) मा राशि परिवर्तन गर्दैछ। शुक्र मकर राशिमा गोचर गर्दैछ। मकर राशिमा शनि देवको आधिपत्य रहन्छ। शनि र शुक्रबीच मित्रताको भाव रहन्छ। यस्तो अवस्थामा शुक्रको राशि परिवर्तनले केही राशिका जीवनमा खुशी ल्याउनेछ। जान्नुहोस् कुन राशिका लागि शुक्रको राशि परिवर्तन विशेष रहनेछ।
• मेष राशि – चु, चे, चो, ला, लि, लु, ले, लो, अ (Aries) : –
मेष राशिको कुण्डलीको १० औँ भावमा शुक्रले प्रवेश गर्नेछ। कुण्डलीको १० औँ भाव करियर र प्रसिद्धिको हुन्छ। यस्तो अवस्थामा रोजगारदाताले आफ्नो करियरमा प्रगति गर्नेछन् । शुक्रको गोचरमा नयाँ कामको प्रस्ताव प्राप्त गर्न सकिनेछ। यसबाहेक व्यापारमा मनग्यै धन लाभको प्रबल योग बन्नेछ।
• वृष राशि – इ, उ, ए, ओ, बा, बि, बु, बे, बो (Taurus) : –
शुक्रको राशि परिवर्तनले आर्थिक स्थितिमा सुधार आउनेछ। शुक्र गोचरको अवधिमा कम मेहनतमा बढी सफलता मिल्नेछ। साथै यस समयमा भाग्यको पूर्ण साथ मिल्नेछ। नोकरीमा पदोन्नतिको अवसर मिल्नेछ। अधुरा काम पुरा हुनेछन्। विद्यार्थीहरूले शुभ समाचार प्राप्त गर्नेछन्। व्यापारमा आर्थिक अवस्था राम्रो रहनेछ।
• धनु राशि – ये, यो, भ, भि, भु, ध, फा, ढ, भे (Sagittarius) : –
शुक्र गोचरको समयावधिमा स्वास्थ्य राम्रो रहनेछ। परिवारमा माङ्गलिक कार्य सम्पन्न हुनेछन्। शुक्रको यो राशि परिवर्तन लगानीका लागि राम्रो साबित हुनेछ। व्यापारमा रोकिएको धन फिर्ता हुनेछ। वास्तवमा शुक्रको गोचर धन भावमा हुनेछ।
• मीन राशि – दि, दु, थ, झ, ञ, दे, दो, च, चि (Pisces) : –
शुक्रको गोचर कुण्डलीको ११ औँ भावमा हुनेछ। गोचरको अवधिमा जागिरमा प्रगति हुनेछ। परिवारका सदस्यबाट आर्थिक लाभ मिल्नेछ। रोजगारीमा आर्थिक उन्नतिको अवसर मिल्नेछ। कार्यस्थलमा मानसिक तनाव कम हुनेछ। काममा केही नयाँ जिम्मेवारी पाउन सकिनेछ। व्यापार व्यवसायमा आर्थिक उन्नति हुनेछ ।
