एजेन्सी – म्यानचेस्टर युनाइटेडका पोर्चुगिज स्टार क्रिस्टियानो रोनाल्डोले अझै चार-पाँच वर्ष फुटबल खेल्ने आफ्नो चाहना रहेको बताएका छन्। हालसालै एक मिडियासँग कुराकानी गर्नेक्रममा अझै चार-पाँच वर्ष फुटबलमा सक्रिय रहने चाहना रहेको बताएका हुन्।
आफूसँग फुटबल खेल्न धेरै वर्ष बाँकी नरहेपनि जित्दै अगाडी बढ्ने योजना रहेको रोनाल्डोले बताए। जितेर अगाडी बढ्ने तर्फ आफू केन्द्रित हुने रोनाल्डोको भनाई छ।
“मलाई थाहा छ कि फुटबल खेल्न मसँग धेरै समय छैन। तर आशा छ मसँग चार-पाँच वर्ष छ। म जित्दै अगाडी बढ्ने आशा गरिरहेको छु।”,एक अन्तर्वार्ताका क्रममा रोनाल्डोले भने।
अन्तर्वार्ताका क्रममा रोनाल्डोले खेलेको सबै ठाउँमा छाप छाड्न सकेको समेत बताए। धेरै खेलाडीले सहजै भेट्टाउन नसकेको सफलता हाँसिल गर्न सकेकोमा गर्व लागेको रोनाल्डोको भनाई छ।
उनले भने,”मेरो जीवन एक धेरै सुन्दर यात्रा हो। मैले जहाँ गए पनि आफ्नो छाप छाड्न सकें। जहाँ गएँ त्यहाँ छाप छाड्न सकेन भन्न सक्दा पनि मलाई गर्व लाग्छ।”
