म्यानचेस्टर युनाइटेडको पछिल्लो खेलमा क्रिस्टियानो रोनाल्डोको निराशा जारी रह्यो र यो सिजन प्रिमियर लिगका उत्कृष्ट खेलाडीहरूको सूचीमा फरवार्ड एकदमै तल रहेका छन्।
पछिल्लो खेलमा घरेलु टोलीले २२ शटको प्रहार गरेपनि रेलिगेसनको त्रास रहेको वाटफोर्डसँग गोलरहित बराबरीमा रोकिएसँगै रेड डेभिल्स टप ४ मा सिजन समाप्त गर्ने सम्भावना कम हुँदै गएको छ। पाँच पटकको बालोन डी’ओर विजेताले गरेको एक गोल अफसाइड रह्यो। र बाँकी खेल रोनाल्डोका लागि निकै निराशाजनक रहेको थियो।
शनिबारको खेलमा रोनाल्डो मात्र कमजोर युनाइटेड प्रदर्शनकर्ता थिएनन्। यस खेलमा गोल गर्न नसकेसँगै ३७ वर्षीय स्टारले विगत १० खेलहरूमा मात्र एक गोल गरेका छन्, जसपछि कतिपयले उनलाई सन्यास लिनको लागि समेत आह्वान गरेका छन्। लगातारको खराब प्रदर्शनले रोनाल्डोलाई लिगको वरीयतामा तल झरेको छ, हूस्कोरडको प्लेयर रेटिङले ३७ वर्षीय खेलाडीलाई इङ्ल्यान्डको शीर्ष तहमा ६.९३ को औसतका साथ ६९औँ उत्कृष्ट खेलाडीको रूपमा मात्र राखेको छ।
फुटबल तथ्याङ्क साइटका अनुसार, मोहम्मद सलाह यस सिजन प्रिमियर लिगका उत्कृष्ट खेलाडी हुन्, जसको औसत रेटिङ १० मध्ये ७.८४ छ। दोस्रो उच्च गोलकर्ता लिभरपुल कै खेलाडी डिएगो जोटा भने सलाह भन्दा सात स्थान तल रहेका छन्। ट्रेन्ट अलेक्ज्याण्डर-अर्नोल्ड सालाह पछि दोस्रोमा छन्, जोआओ क्यान्सेलो तेस्रो स्थानमा रहँदा साडियो माने चौथो स्थानमा छन्। शीर्ष १० मा योर्गेन क्लोपका चार खेलाडी छन्, जसमा बर्नार्डो सिल्भा पाचौं, रोड्रि छैटौं, केभिन डे ब्रुइन सातौं र शीर्ष १० मा फिल फोडेन १० औं स्थानमा छन्।
लिभरपुल र सिटीका खेलाडी बाहेक, सन ह्युङ-मिन र जारोड बोवेन शीर्ष १० मा छन्। च्याम्पियन्स लिग इतिहास कै सर्वाधिक गोलकर्ता भने फ्रेड, एडमा ट्राओरे, जोर्डन हेन्डरसन र क्रिस्चियन नोर्गार्ड भन्दा पनि तल रहेका छन्। यो वास्तवमै पूर्व युभेन्टस फरवार्ड र उनको क्लबको लागि उपयुक्त छैन, जसले प्रिमियर लिग उपाधिका लागि टक्कर दिने आशा गरिएको थियो।
