फ्रेन्च क्लब पेरिस सेन्ट जर्मेन (पीएसजी) को क्लब इतिहास कै सवाधिक गोलकर्ता बन्ने लक्ष्य राखेका किलियन एम्बाप्पेले पेरिस क्लबसँग नयाँ सम्झौतामा हस्ताक्षर गर्न सक्ने सङ्केत दिएका छन्। २३ वर्षीय फ्रान्सेली खेलाडीले शनिबार सेन्ट-इटिएन विरुद्धको खेलमा पीएसजीका लागि आफ्नो १५६ गोल गर्न सफल भए, जसले पूर्व मोनाको स्टारलाई फ्रान्सेली जान्ट्सका लागि ज्लाटन इब्राहिमोभिकले गरेको गोल संख्या बराबर गराएको छ।
सन् २०१३ र २०२० को बीचमा पार्क डेस प्रिन्सेसमा सात सिजनमा २०० पटक गोल गरेका एडिनसन काभानीले मात्र फ्रेन्च स्टारले भन्दा बढी गोल गरेका छन्। यो सिजन ३१ खेलमा १९ गोल गरेका एमबाप्पेले उरुग्वेका दिग्गज खेलाडी – जसले अहिले म्यानचेस्टर युनाइटेडसँग आफ्नो व्यापारिक फुटबल खेलिरहेका छन् – सँगको अन्तरलाई घटाउँदै गएका छन्।
यद्यपि, यसै समरबाट क्लबसँग आफ्नो सम्झौता अन्त्य हुने भएको र रियल म्याड्रिडसँग लामो समयदेखि नाम जोडिएका स्टारसँग काभानीको रेकर्ड तोड्ने समय नभएको धेरैले विश्वास गरेका छन्। बाल्यकाल देखि नै आफूले समर्थन गरेको टोली रियल म्याड्रिडबाट खेल्ने लक्ष्य भएपनि एम्बाप्पेले फ्रान्सेली राजधानीमा आफ्नो बसाई लम्ब्याउने थोरै सङ्केत देखिएको छ।
शनिबारको खेलमा २३ वर्षीय स्ट्राइकरले पीएसजीको जीतमा दुई पटक गोल गरेपछि अन्तर्वार्तामा भने, “हेरौं के हुन्छ।” जसले नयाँ सम्झौतामा हस्ताक्षर गर्ने सम्भावनाको ढोका खोलेको देखिन्छ। एक रिपोर्टरले इब्राहिमोभिकको रेकर्ड बराबरी गरेपनि काभानीलाई पछि पार्नको लागि उनले अर्को वर्ष पीएसजीमा रहनु पर्ने कुरा औंल्याए, जसमा एमबाप्पेले जवाफ दिए: “इब्रा, जब तपाईंलाई उनले यहाँ के गरेका थिए भन्ने थाहा छ, यो प्रतीकात्मक छ, म उच्च स्तरमा छु।”
“मैले [ज्लाटन इब्राहिमोभिकको संख्या] बराबरी गरेको छु र यदि कुनै ठूलो समस्या भएन भने, म उनलाई पनि उछिन्नेछु,” एमबाप्पेले भने, “काभानीको कीर्तिमान [भंग हुन बाँकी छ]। हेरौं के हुन्छ। पीएसजीको इतिहासमा शीर्ष गोलकर्ता बन्ने सम्भावनालाई बेवास्ता गर्न सकिन्न। मेरो लक्ष्य सधैं मानिसहरूको सम्झनाहरूमा छाप छोड्ने हो, तथ्याङ्क वा दृश्यात्मक वा भावनात्मक रूपमा।”
