फिलिप काउटिन्होले शनिबार एस्टोन भिल्लाको साउथह्याम्प्टनलाई ४-० ले हराएको खेलमा प्रमुख भूमिका खेल्दै चौतर्फी प्रशंसा पाएका छन्। ब्राजिलियनले भिल्लाका सबै चार गोलहरूमा भूमिका खेलेका थिए।
यस्तोमा, क्लब प्रशिक्षक स्टिभन जेरार्डले बार्सिलोनाका मिडफिल्डरले आफ्नो “लिभरपुल लय” पुन: प्राप्त गरेको दाबी गरेका छन्। काउटिन्होले सुरु गरेक चालमा ओली वाटकिन्सको उत्कृष्ट ओपनर आयो। जसपछि कालम चेम्बर्सबाट बुट बाहिरको उत्कृष्ट पासलाई पूर्व इन्टर स्टारले साथी ब्राजिलियन डगलस लुइजको गोलका लागि असिस्ट प्रदान गरे।
लिभरपुलका पूर्व खेलाडीले टोलीको चौंथो गोलमा पनि निकै महत्वपूर्ण भूमिका खेल्नु अघि आफ्नै गोल पनि गरे। शनिबारको जीतसँगै नोभेम्बरपछि पहिलो पटक मिडल्यान्डर्सले प्रिमियर लिगमा ब्याक-टु-ब्याक जीत हासिल गरे। र खेल पछि बोल्दै, जेरार्डले जनवरी ट्रान्सफर विन्डोमा भिल्ला पार्कमा आइपुगेका काउटिन्होको प्रशंसा गर्न पछि परेनन्।
जेरार्डले शनिबार भिल्ला पार्कमा ब्राजिलियनको प्रदर्शनले उनले लिभरपुल शर्टमा उत्पादन गरेको प्रदर्शनको सम्झना दिलाएको दाबी गरे। “हामीले फिल काउटिन्हो फिट र वास्तवमै राम्रो स्थानमा पाएका छौं,” जेरार्डले बीबीसीको म्याच अफ द डेलाई भने, “उनी आज आफ्नो लिभरपुलको समयको लयमा फर्किएका थिए र उनी एक टच माथि थिए। जब फिल मूडमा हुन्छन्, उनी विश्व स्तरीय खेलाडी हुन्।”
काउटिन्होको प्रशंसा गर्ने भिल्ला प्रशिक्षक मात्र थिएनन्, वाटकिन्सले २९ वर्षीयको बुद्धिमत्ताको प्रशंसा गर्दै भने, “कहिलेकाँही उनले तपाईंको लागि धेरै छिटो सोच्दछ, त्यसैले मैले उसको शरीरको हाउ-भाउ बुझ्नु पर्छ र कहिलेकाहीँ म विपरित बाटोमा गएको छु। उनी धेरै तेज छन् – उनले अरू कसैले भन्दा छिटो सोच्दछ।”
