विदेशी मुद्रा सञ्चिति घट्दै गएपछि नेपाल राष्ट्र बैंकले सुन आयातको सीमा घटाएको छ । केन्द्रीय बैंकले आज एक सूचना जारी गरी दैनिक १० किलोग्राम मात्र सुन आयात गर्न पाइने व्यवस्था गरेको हो ।
बैंकको विदेशी विनिमय व्यवस्थापन विभागले विदेशी विनिमय कारोबार गर्न अनुमति पाएका निकायलाई आजै परिपत्र गरी सुन विक्री वितरणसम्बन्धी कार्यविधि, २०६८ को दफा (४) लाई संशोधन गरिएकाले सोही बमोजिम गर्न निर्देशन दिएको छ ।
सुनको भाउ एक लाख नाघ्यो
काठमाडौँ – अत्याधिक महँगो मूल्यमा कारोबार भइरहेको सुनको मूल्य आज पनि महँगो भएको छ। गत साता धेरै महँगो मूल्यमा कारोबार भएको सुनको मूल्य आज पनि बढेको हो।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मूल्य तोलामा २ हजार रुपैंयाँले बढेको छ। जससँगै छापावाला सुनको मूल्य १ लाख १ हजार ९ सय रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि २ हजार रुपैंयाँले नै बढेको छ। महासंघले दिएको जानकारी अनुसार नेपाली बजारमा तेजाबी सुन प्रतितोला १ लाख १ हजार ४ सय रुपैंयाँमा कारोबार भइरहेको छ।
सुन गत वर्षको साउन पछिकै महँगो
पछिल्लो वृद्धिसँगै सुन झन्डै डेढ वर्ष भन्दा बढी समयकै महँगो भएको छ। नेपाल सुन चाँदी व्यवसायी महासंघले दिएको जानकारी अनुसार आज कायम भएको सुनको मूल्य गत वर्षको साउन २६ गतेयताकै महँगो हो। आज सुन ५ सय ७३ दिनकै महँगो रहेको महासंघले जनाएको छ।
चाँदीको मूल्य
आज सुन मात्र नभई चाँदीको मूल्य पनि बढेको छ। आज चाँदीको मूल्य तोलामा रु ३५ ले बढेको छ। महासंघले दिएको जानकारी अनुसार आज चाँदी प्रतितोला १ हजार ४ सय १५ रुपैंयाँमा कारोबार भइरहेको छ।
