म्यानचेस्टर युनाइटेडका प्रशिक्षकले म्यानचेस्टर डर्बीका लागि आफ्नो टोलीबाट पोर्चुगिज फरवार्डलाई निकालेपछि राल्फ रङ्गनिक र क्रिस्टियानो रोनाल्डोबीचको कठिन सम्बन्ध आइतबार झनै कमजोर भएको प्रष्ट भएको छ।
म्यानचेस्टर युनाइटेड म्यानचेस्टर सिटीको हातबाट ४-१ ले पराजित भएपछि रोनाल्डोलाई टोलीमा नलिने प्रशिक्षकको निर्णयलाई अझ बलियो रूपमा हाइलाइटमा ल्याईएको छ। रङ्गनिकले रोनाल्डोलाई चोट लागेको भन्दै रोनाल्डोलाई टोलीबाट बाहिर गर्ने आफ्नो निर्णयलाई सही ठहराए।
“मेरो डाक्टरले प्रशिक्षण अघि शुक्रबार बिहान मलाई भेट्न आए र मलाई क्रिस्टियानो रोनाल्डोको हिप फ्लेक्सरमा केही समस्याका कारण प्रशिक्षण गर्न नसक्ने बताए र शनिबार पनि यही अवस्था थियो र त्यसैले उनी टोलीको हिस्सा हुन सकेनन्,” रङ्गनिकले भने। यद्यपि, जर्मन प्रशिक्षकको यो निर्णय माथि व्यापक रूपमा प्रश्न उठ्यो, विशेष गरी रोनाल्डोकी दिदी, काटिया एवेइरोले, उक्त निर्णय माथि प्रश्न गर्दै गरेको एक इन्स्टाग्राम पोस्ट लाइक गरिन्।
“रोनाल्डो शतप्रतिशत फिट थिए, उनले प्राविधिक र रणनीतिक कारणले मात्र खेलेनन्,” इन्स्टाग्राममा उक्त पोस्टको क्याप्सन थियो। म्यानचेस्टर सिटीको सामना गर्ने टोलीमा आफूलाई समावेश नगर्ने निर्णयपछि रोनाल्डो शनिबार राती टोलीसँग प्रशिक्षण पोर्चुगल पुगेका छन्।
द सनका अनुसार पाँच पटकका ब्यालोन डी ओर विजेताका म्यानचेस्टर युनाइटेड टोलीका साथीहरू रोनाल्डोको अनुपस्थितिले छक्क परेका थिए। युनाइटेड टिममेटका अनुसार सिटी जस्तो बलियो टोली विरुद्धको खेलमा रोनाल्डो हुनु निकै आवश्यक थियो। रोनाल्डो पनि उक्त खेलका लागि तयार रहेका थिए।
