ज्योतिषशास्त्रमा, शुक्र ग्रहमा मानव जीवनमा सुन्दरता, सद्भाव, गहिरो भावना र समानुभूतिलाई प्रेरित गर्ने अपार शक्ति छ। यसले तपाईंको विवाह र अन्य सम्बन्ध, व्यवसाय, कला, र तपाईंको सामाजिक जीवनको गुणस्तरमा पनि महत्त्वपूर्ण भूमिका खेल्छ। शुक्रले तपाईंको प्रेम प्राथमिकताहरू, तपाईं सम्बन्धमा कसरी व्यवहार गर्नुहुन्छ, तपाईं सम्बन्धमा के खोज्नुहुन्छ र तपाईंको रचनात्मक अभिव्यक्तिलाई प्रभाव पार्छ। शुक्रको अशुभ प्रभावले दाम्पत्य जीवनमा समस्या, पारिवारिक जीवनमा अशान्ति, यौन अंगको कमजोरी, धन हानि, स्वास्थ्यमा समस्या आउनेछ। यी सबै समस्या तपाईं जन्म कुण्डलीमा शुक्र ग्रहको हानिकारक प्रभावका कारण आउँछन्। विभिन्न घरहरूमा शुक्र ग्रहले जन्मको समयमा आफ्नो स्थिति अनुसार फरक फरक परिणाम दिन्छ। ज्योतिष शास्त्रमा शुक्र दोष कम गर्ने केहि उपायहरु बताईएको छ। आउनुहोस् यी उपायहरूको बारेमा जान्नुहोस्….
शुक्रबारको दिन यी मन्त्रको जप गर्नुहोस्
यदि कुनै व्यक्तिको वैवाहिक जीवनमा शुक्रदोषको कारण समस्या भइरहेको छ भने, त्यसको प्रभाव कम गर्न सेतो वस्त्र धारण गरेर ऊँ द्रं द्रं द्रौंसः शुक्राय नमः मन्त्रको जप गर्नुपर्छ। यस मन्त्रको ५, ११ वा २१ माला जप गर्नाले शुक्र बलवान हुन्छ।
श्रीसुक्तको पाठ गर्नुहोस्
यदि कुनै व्यक्तिको कुण्डलीमा शुक्र ग्रह कमजोर स्थितिमा छ भने उक्त मानिसले शुक्रबार लक्ष्मीको पूजा गरी श्री सुक्त र कनकधारा स्तोत्रको पाठ गर्नुपर्छ। यो उपाय गर्नाले व्यक्तिको धन सम्बन्धि समस्या हट्छ र आर्थिक अवस्था पनि मजबूत हुन्छ।
शुक्रबार यी वस्तुहरू दान गर्नुहोस्
शुक्र ग्रहको स्थिति बलियो बनाउन शुक्रबार शुक्र ग्रहसँग सम्बन्धित वस्तु दान गर्नुहोस्। तर शुक्र ग्रह र यसका नक्षत्र अर्थात भरणी, पूर्वा फाल्गुनी, पूर्वाषाढको होरा र समयमा शुक्र ग्रहसँग सम्बन्धित वस्तुको दान गर्नुपर्छ भन्ने कुरामा ध्यान दिनु पर्दछ। दान गरिने वस्तुमा दही, खीर, अत्तर, रंगीन कपडा, चाँदी, चामल आदि हुन सक्छन्।
शुक्रदेवको आशीर्वादको लागि रुद्राक्ष धारण गर्नुहोस्
यदि शुक्रदेवको आशीर्वाद चाहनुहुन्छ भने ६ मुखी वा १३ मुखी रुद्राक्ष धारण गर्नुपर्छ। यसो गर्नाले शुक्र ग्रहको स्थिति सुदृढ हुनुका साथै आर्थिक समृद्धि पनि मिल्नेछ।
