सूर्यलाई सबै नौ ग्रहको राजा भनिन्छ। सूर्यलाई आत्माको कारक पनि मानिन्छ। सूर्य मीन राशिमा प्रवेश गर्ने बित्तिकै केही राशिका लागि राम्रो दिन सुरु हुनेछ। मीन राशिमा सूर्यको प्रवेश १५ मार्च २०२२ मा बिहान १२:४६ बजे भइसकेको छ। यसपछि सूर्य १४ अप्रिल २०२२ को बिहान ९:११ बजे मेष राशिमा गोचर हुनेछ। सूर्यको गोचरले यी ४ राशिका मानिसमा सकारात्मक प्रभाव पार्छ-
मेष राशि
मेष राशिका विद्यार्थीहरूका लागि यो पारगमन धेरै लाभदायक साबित हुनेछ। यस अवधिमा शिक्षा क्षेत्रमा सफलता मिल्नेछ। प्रतिस्पर्धात्मक परीक्षाको तयारीमा लागेका मानिसले राम्रो नतिजा हात पार्न सक्छन्। यो गोचर रोजगारीका लागि लाभदायक साबित हुनेछ। राम्रो कामको अवसर मिल्नेछ। यद्यपि, यस अवधिमा कुनै पनि ठूलो खर्चबाट बच्नुहोला।
वृष राशि
यो गोचर तपाईंको आर्थिक अवस्थाको लागि लाभदायक हुनेछ। यस समयमा तपाईंले धेरै क्षेत्रबाट धन प्राप्त गर्न सक्नुहुन्छ। कतैबाट अचानक रोकिएको धन फिर्ता हुनसक्छ। लामो समयदेखि रोकिएका आयोजनाहरू पुनः सुरु हुन सक्छन्। घरजग्गामा लगानीका लागि समय राम्रो छ।
मिथुन राशि
यस अवधिमा कार्यक्षेत्रमा गरेको मिहिनेतबाट राम्रो नतिजा मिल्नेछ। यस अवधिमा तपाईंको काममा पकड रहन सक्छ। कार्यस्थलमा तपाईंको कामको प्रशंसा हुन सक्छ। सहकर्मीसँगको सम्बन्ध सुमधुर हुनेछ। जागिर खोज्नेहरूले राम्रो अवसर पाउन सक्छन्। सरकारी जागिर गर्नेहरूले शुभ फल प्राप्त गर्न सक्नेछन्।
कर्कट राशि
यो गोचर अवधिले कर्कट व्यक्तिहरूको लागि सकारात्मक परिणाम ल्याउन सक्छ। यस समयमा तपाईंले आफ्नो आर्थिक स्थितिमा सुधार देख्नुहुनेछ। भाग्यले पूर्ण साथ दिनेछ। तर, यस समयमा तपाईंले केही नयाँ चुनौतीहरूको सामना पनि गर्न सक्नुहुन्छ। कार्यस्थलमा उच्च अधिकारीको सहयोग प्राप्त हुनेछ।
