काठमाडौँ – नेकपा एकीकृत समाजवादीका अध्यक्ष माधव कुमार नेपाल आफ्नो पार्टीले आगामी निर्वाचनमा कमल गर्नेमा ढुक्क छन्। चुनाव चिन्हमा कमल पाएको नेकपा एकीकृत समाजवादी पार्टीको वास्तविक शक्ति निर्वाचनले देखाउने अध्यक्ष नेपाल बताउँछन्।
बिहिबार होलीको अवसरमा पार्टी केन्द्रीय कार्यालयमा आयोजना गरिएको कार्यक्रममा बोल्नेक्रममा नेपालले कमलले निर्वाचनमा कमला नै गर्ने बताए। सत्य र न्यायको प्रतीकको रुपमा रहेको त्यो कलमले अवश्य कमाल गर्ने माधव नेपालको दावी छ।
निर्वाचन नजिकिरहेको अवस्थामा पार्टीको प्रचार गर्न व्यापक जनपरिचालन गर्नुपर्ने पनि नेपालले बताए। पूर्वप्रधानमन्त्री समेत रहेका नेपालका अनुसार पार्टीको सामर्थ्य शक्ति चुनावको मैदानमा देखिनेछ।
“वैशाख ३० गतेको चुनावको बेलामा कलमको कमाल देखिनसक्नुपर्दछ । सत्य र न्यायको प्रतीकको रुपमा रहेको त्यो कलमले अवश्य कमाल गर्ने छ भन्ने विश्वास गर्दै गाउँगाउँ, टोलटोल, बस्तीबस्तीमा पुगौं । जनपरिचालन गर्ने काममा लागिपरौं । यो पार्टीको सामर्थ्य शक्ति चुनावको मैदानमा देखिने छ।”,नेपालले भने।
त्यस्तै नेपालले होली कार्यक्रममा क्रममा आफूहरुको खिसिट्युरी गर्नेको हविगत होलिका जस्तै हुने दावी गर्न पनि छुटाएनन्। घमण्डको पोको भएको रावणको नास भएजस्तै, होलिका दहन भएजस्तै खिसिट्युरी गर्नेहरुको सत्यानास हुने नेपालको भनाई छ।
उनले भने,”हाम्रो खिसीटिउरी गर्नेहरूको हरिबिजोग त्यही बेलामा थाहा हुनेछ । घमण्डको पोको भएको रावणको नाश भएजस्तै होलिका दहन भएजस्तै त्यस्ताहरूको नाश, दहन होस्।”
