बार्सिलोनाबाट मेस्सीको पेरिस सेन्ट जर्मेन (पीएसजी) को स्थानान्तरण आशा अनुसार कुनै पनि तरिकाले रहेन। यसै सिजन मात्र पीएसजी आएका मेस्सीले नयाँ क्लबमा निकै संघर्ष गरिरहेका छन्। मेस्सीको ट्रान्सफर क्लब र खेलाडी दुबैका लागि निराशाजनक रह्यो। यस्तोमा, अब पेरिस क्लबले ३४ वर्षीय स्टारलाई आउँदो समरमा बेच्न तयार भएको छ।
गत समरमा पीएसजीले सर्जियो रामोस, जियानलुइजी डोनारुम्मा, जर्गीनियो वाइनाल्डम, एकराफ हाकिमी र लियोनल मेस्सीलाई अनुबन्धन गरेर पूरा फुटबल जगतमा नै तहल्का मच्चाएको थियो। यद्यपि, मेस्सीले पेरिसमा गोल गर्न र उच्च प्रदर्शन गर्न यति सम्म संघर्ष गर्नुपर्नेछ भनेर सायद नै कसैले सोचेका थिए। सात पटकको ब्यालोन डी’ओर विजेताले यस सिजन पीएसजीका लागि हालसम्म २६ खेलमा मात्र ७ गोल गरेका छन्। लियोनल मेस्सीले आफ्नो १८ लिग १ खेलमा चिन्ताजनक रूपमा २ गोल मात्र गरेका छन्।
पूर्व बार्सिलोना कप्तानको पीएसजीसँगको सम्झौता २०२३ को गर्मीमा मात्र समाप्त हुने भएता पनि पीएसजी र क्लबका समर्थक अर्जेन्टिनी कप्तानको प्रदर्शनबाट निकै निराशा रहेका छन्। यसैबीच, च्याम्पियन्स लिगबाट क्लब निराशाजनक रूपमा बाहिरिएपछि फ्रेन्च क्लबले मेस्सीले यसै गर्मीमा बेच्ने सम्भावनालाई गम्भीरताका साथ विचार गरिरहेको छ।
विभिन्न रिपोर्टहरुका अनुसार फ्रान्सेली क्लबले किलियाना एमबाप्पेलाई आफ्नो दीर्घकालीन सुपरस्टारको रूपमा हेरेको छ र रियल म्याड्रिडसँगको बलियो सम्बन्धको बीचमा नयाँ सम्झौतामा बाँध्न सक्दो प्रयास गरिरहेको छ। २३ वर्षिय खेलाडी अहिले विश्वका उत्कृष्ट खेलाडी मध्ये एक हुन् र उनलाई रिटेन गर्नु क्लबको भविष्यका लागि महत्वपूर्ण साबित हुन सक्छ। तर एम्बाप्पेलाई ठूलो रकम दिएर क्लबमा राख्ने हो भने क्लबले मेस्सी र नेयमार दुबैलाई बेच्नु पर्ने हुनसक्छ।
त्यसैले पनि लिग १ क्लबले आउँदो समरका लागि लियोनल मेस्सीलाई पनि ट्रान्सफर सूचीमा राख्ने निर्णय गरेको हुनुपर्छ। र ३४ वर्षीय स्टारका लागि कुनै पनि अफर आएको खण्डमा पीएसजीले स्वीकार गर्ने सम्भावना रहेको छ। उल्लेखनीय रूपमा, मेस्सीको बार्सिलोनामा सम्भावित फिर्तीको बरेमा पछिल्लो समयमा चर्चा निकै चलेको छ तर यो सम्भवन देखिँदैन।
