सेनेगलसँगको विश्वकप प्लेअफको फाइनलको हारमा महत्वपूर्ण पेनाल्टी गुमाएपछि मोहम्मद सलाहले आफ्ना इजिप्टका टिममेटलाई भावुक सन्देश दिँदै गरेको फुटेज सार्वजनिक भएको छ।
फेब्रुअरीमा भएको अफ्रिका कप अफ नेसन्सको फाइनलको रि-म्याचमा सेनेगलले इजिप्टलाई पुन: एकपटक पेनाल्टी सुटआउटमा पराजित गर्दै कतार विश्वकपमा आफ्नो स्थान पक्का गर्न सफल भयो। इजिप्टले गत हप्ता कायरोमा भएको प्लेअफको फाइनलको पहिलो लेग १-० ले जितेको थियो भने मङ्गलबार राति डायमनियाडियोमा भएको दोस्रो लेगमा सेनेगल १-० ले विजयी भएको थियो। इजिप्टका मिडफिल्डर हाम्दी फाथीले आत्मघाती गोल गर्दै समग्रमा खेल बराबरीमा ल्याएपछि थप गोल हुन नसकेपछि खेल सुटआउटमा पुगेको थियो।
पेनाल्टी सुटआउटमा लिभरपुलका टिममेट साडियो मानेले आफ्नो टोलीलाई विश्वकपमा पठाउन निर्णायक पेनाल्टीमा गोल गर्नुअघि सलाहले स्पट किक मिस गरेका थिए। खेल पछि सामाजिक सञ्जालमा भाइरल हुँदै गरेको फुटेजमा, सलाहले आफ्ना टोलीका साथीहरूलाई भावनात्मक भाषण दिइरहेको देख्न सकिन्छ जसमा उनले अन्तर्राष्ट्रिय सन्यासको संकेत गरेका छन्।
https://twitter.com/i/status/1509229477787746309
इजिप्टका पत्रकार इस्माइल महमूदका अनुसार सालाहले भने, “म तिमीहरुसँग खेलेकोमा म सम्मानित छु र भविष्यमा म तपाईंसँग हुन्छ वा हुँदिन तर तपाईंसँग खेल्न पाउँदा मलाई गर्व छ।”
Mohamed Salah hints at international retirement, he said to his teammates: I am honored that I played with you and I am very proud to play with you whether I am with you or not in the future pic.twitter.com/AaHgnUwF2B
— Ismael Mahmoud (@ismaeelmahmoudd) March 30, 2022
पेनाल्टी सुटआउटमा इजिप्टका खेलाडीहरूमाथि धेरै फ्यानहरूले लेजर लाइट देखाएका थिए, जसको कारण सेनेगललाई फिफाले कारबाही गर्न सक्छ। सालाहले पेनाल्टी प्रहार गर्ने प्रयास गर्दा उनको अनुहारमा धेरै हरियो लेजरहरू देखाईएको थियो।
