ज्योतिषशास्त्रमा शनिलाई एकदमै सुस्त गतिमा चल्ने ग्रह मानिन्छ। ज्योतिषशास्त्रका अनुसार शनिलाई एक राशिबाट अर्को राशिमा सर्न करिब साढे दुई वर्ष लाग्छ। हाल शनि मकर राशिमा विराजमान छ। तर छिट्टै शनि मकर राशि छोडेर कुम्भ राशिमा प्रवेश गर्दैछन्।
शनिदेवले राशि परिवर्तन गर्दा केही राशिमा शनिको ढैय्या सुरु हुन्छ भने केही राशिमा शनिको साढे साती सुरु हुन्छ। यस्तो अवस्थामा ती राशिका व्यक्तिहरूलाई शनिको पीडाको सामना गर्नुपर्ने हुन्छ। त्यस्तै, शनि गोचरको समयमा शनि जुन राशिबाट बाहिर जान्छन्, ती राशिका मानिसले शनिको महादशाबाट राहत पाउनेछन्। जान्नुहोस् शनिको पीडाबाट मुक्ति पाउने राशिका बारे….
२०२२ मा यी राशिका व्यक्तिहरूले शनिको साढे साती र ढैय्याबाट मुक्ति पाउनेछन्-
२९ अप्रिल २०२२ मा शनिले मकर राशि छोडेर कुम्भ राशिमा प्रवेश गर्नेछ। शनिको राशि परिवर्तनका कारण धनु राशिका व्यक्तिले शनिको साढे सातीबाट मुक्ति पाउनेछन्। साथै मिथुन र तुला राशिका व्यक्तिहरूले शनि ढैय्याबाट मुक्ति पाउनेछन्।
यी राशिका व्यक्तिको कठिनाइ बढ्नेछ-
करिब ३० वर्षपछि अप्रिल २९, २०२२ मा शनि मकर राशिबाट कुम्भ राशिमा प्रवेश गर्नेछ। यसपछि १२ जुलाईदेखि पुनः प्रतिगामी चरणमा मकर राशिमा प्रवेश गर्नेछ। शनिको प्रतिगामी चरण भनेको उल्टो चाल हो। त्यसपछि मिथुन, तुला र धनु राशिका मानिसहरूमा शनिको दशा पुन: सुरु हुनेछ। यी तीन राशिले सन् २०२३ मा शनिको दशाबाट पूर्ण मुक्ति पाउनेछन्।
