चोटका कारण लामो समयपछि मैदानमा उत्रिएका सर्जियो रामोसलिई पहिलो खेलमा नै पार्क डेस प्रिन्सेसमा पेरिस सेन्ट जर्मेन (पीएसजी) समर्थकहरूले गाली गरेका छन्।
३६ वर्षीय पूर्व रियल म्याड्रिड कप्तान १६ वर्षपछि गत जुनमा रियल मड्रिड छोडेर फ्रान्सेली क्लबसँग दुई वर्षको सम्झौतामा सामेल भएका थिए। तर रामोसले पीएसजीमा आफ्नो समयमा चोटपटकसँग लगातार संघर्ष गर्दै आएका छन् र यस सिजन सबै प्रतियोगिताहरुमा मात्र पाँच खेल खेल्न सफल भएका छन्।
गत महिना च्याम्पियन्स लिगबाट बाहिरिएपछि, पीएसजीका फ्यानहरूले नेयमार र लियोनल मेस्सीमाथि पनि गालि गरेर आफ्नो निराशा निकालेका थिए। यस्तोमा यो पनि स्पष्ट भएको छ कि पीएसजी पनि रामोसले आइतबार साँझ लोरिएन्ट माथि ५-१ को जितमा प्राप्त गरेको व्यवहारको बारेमा असन्तुष्ट रहेको हुनुपर्छ।
स्पेनी स्टारलाई प्रशिक्षक पोचेटिनोले माक्विनहोसको विकल्पको रूपमा १८ मिनेट बाँकी रहँदा ल्याइएका थिए, तर जब उनी पिचमा प्रवेश गरे तब डिफेन्डरलाई पीएसजीका समर्थकहरूले चर्को स्वरमा गाली गरे। प्रतिस्थापन पछि खेल पुन: सुरु भएपछि, रामोसले प्रत्येक पटक बललाई छोएपछि पीएसजीका फ्यानहरूले उनलाई जिस्काए।
PSG fans booing Ramos.
What a sad moment😔#PSGLORIENT pic.twitter.com/AEi8F92CsR
— A.M ISSA (@Am_Issa_) April 3, 2022
रामोस गत जनवरी २३ देखि काफको समस्याका कारण मैदान बाहिर रहँदै आएका थिए। नेयमार र किलियन एमबाप्पेको दुई-दुई गोल र लियोनल मेस्सीको एक गोलको मद्दतमा पीएसजीले लोरिएन्टमाथि ५-१ को जित निकाल्यो। माउरिसियो पोचेटिनोको टोली अब लिग १ को शीर्ष स्थानमा १२ अंकले स्पष्ट अग्रता रहेको छ र उपाधि जित्ने बाटोमा रहेको छ।