बुध ग्रहलाई संचार र बुद्धिको कारक मानिन्छ। यो ग्रह धेरै छिटो पारगमन गर्ने ग्रह हो। जसको कुण्डलीमा यो ग्रह बलियो स्थानमा हुन्छ, त्यो व्यक्ति बौद्धिक रुपमा शक्तिशाली हुन्छ र उनको अनुहारमा फरक चमक देखिन्छ। यो ग्रह मिथुन र कन्या राशिको स्वामी हो। बुध ग्रहको कारणले गर्दा यी दुवै राशिको तार्किक दृष्टिकोण हुन्छ। अप्रिल ८ मा बुध मेष राशिमा प्रवेश गर्नेछ। यो यस राशिमा अप्रिल २५ सम्म रहनेछ। जान्नुहोस् कुन राशिका व्यक्तिलाई यो गोचरबाट धेरै फाइदा हुनेछ।
मेष राशि
बुधको गोचर यस राशिका व्यक्तिका लागि लाभदायी साबित हुनेछ। तपाईंको आत्मविश्वास बढ्नेछ। तपाईंले यस अवधिमा केही राम्रो निर्णयहरू लिन सक्षम महसुस गर्नुहुनेछ। यो गोचर लगानी गर्न र आम्दानीको स्रोत बढाउनको लागि अनुकूल हुनेछ। आर्थिक पक्ष बलियो रहनेछ।
वृष राशि
यस अवधिमा हरेक क्षेत्रमा राम्रो नतिजा प्राप्त हुने सम्भावना छ। सामाजिक क्षेत्रमा तपाईंको मान-सम्मान बढ्नेछ। यस अवधिमा भाग्यको पूर्ण साथ मिल्नेछ। आर्थिक रुपमा यो समय तपाईंको लागि शुभ रहनेछ। यात्राबाट पनि राम्रो आम्दानी गर्न सकिनेछ।
कर्कट राशि
यस अवधिमा तपाईंका सबै बाधाहरू समाप्त हुने देखिन्छ। रोजगार गर्नेहरुले स्थानान्तरणको पनि खबर पाउन सक्छन्। मिहिनेतको पूर्ण फल मिल्ने देखिन्छ। साथै, व्यवसायमा संलग्न व्यक्तिहरूका लागि यो अवधि लाभदायक डिल गर्न लाभदायक साबित हुनेछ।
सिंह राशि
बुधको गोचर यस राशिका व्यक्तिका लागि शुभ रहनेछ। यो गोचरले तपाईंको आर्थिक जीवनमा सकारात्मक प्रभाव पार्नेछ। आर्थिक स्थिति बलियो र राम्रो आम्दानी हुने सम्भावना छ। धन आर्जनमा सफलता मिल्नेछ। प्रेम सम्बन्धमा पनि यो समय अनुकूल रहनेछ।
