ज्योतिषशास्त्रका अनुसार अप्रिल महिनामा तीन ठूला ग्रह बुध, राहु र सूर्यले मंगलको राशि मेष राशिमा प्रवेश गर्नेछन्। यी तीनै मिलेर त्रिग्रही योग बन्नेछ। आज बुध ग्रह मेष राशिमा प्रवेश गरेको छ। अब अप्रिल १२ मा छायाँ ग्रह राहुले मेष राशिमा प्रवेश गर्नेछ। केही समयपछि १४ अप्रिलमा सूर्य पनि मेष राशिमा प्रवेश गर्नेछ। ज्योतिष शास्त्रका अनुसार मेष राशिमा यी तीन ग्रहको उपस्थितिका कारण धेरै अशुभ अवस्थाको सिर्जना हुनेछ। जान्नुहोस् कुन राशिका व्यक्तिलाई यी अवस्थाबाट बढी पीडित हुने सम्भावना रहेको छ? जान्नुहोस्…
बुध-राहुको युति हुनेछ निकै अशुभ
अप्रिल १२ मा मेष राशिमा बुध र राहुको संयोग हुँदैछ। ज्योतिषीहरूका अनुसार यी ग्रहहरूको संयोजनले “जडत्व योग” बनाउँछ। यसलाई अशुभ योग मानिन्छ। यो योग अप्रिल १२ देखि २५ अप्रिलसम्म मेष राशिमा बन्नेछ।
सूर्य र राहुको युतिको कारण लाग्नेछ सूर्य ग्रहण
अप्रिल १४ मा सूर्य मेष राशिमा प्रवेश गर्नछ। जहाँ सूर्यको संयोग बुध र राहुसँग हुनेछ। मेष राशिमा सूर्य र बुध मिलेर शुभ बुद्धादित्य योग बन्नेछ। तर यस राशिमा राहुको उपस्थितिले बुद्धादित्य योगको शुभ प्रभावलाई कम गर्नेछ। साथै सूर्य र राहुको संयोगले ग्रहणको योग बन्नेछ। ज्योतिषशास्त्रका अनुसार सूर्य र राहु एक राशिमा आएपछि ग्रहण योग बन्ने गर्दछ। जसका कारण सूर्यग्रहण लाग्छ। अप्रिल ३० मा सूर्य र राहुको मिलनमा सूर्यग्रहण लाग्दैछ।
मेष राशिलाई अत्यन्त अशुभ
मेष राशिमा बुध-राहु-सूर्यको संयोगले मेष राशिका मानिसहरूलाई सबैभन्दा बढी कष्ट हुनेछ। यो समयले तपाईंका लागि समस्या ल्याउन सक्छ। यो राशिका व्यक्तिहरूले मे १४ सम्म धेरै सावधानी अपनाउनुपर्नेछ। यस अवधिमा तपाईंलाई भाग्यले साथ दिनेछैन। कुनै पनि काममा सफलता पाउनको लागि कडा मिहिनेत गर्नुपर्छ।
