राहु-केतु सधैं प्रतिगामी चालमा चल्छन्। अर्थात्, यी दुई ग्रह उल्टो चालमा राशिमा परिवर्तन गर्छन्। १२ अप्रेलमा राहु-केतु राशि परिवर्तन हुनेछ। यस दिन राहुले वृष राशिबाट मेष राशिमा प्रवेश गर्नेछ भने केतु वृश्चिकबाट तुला राशिमा प्रवेश गर्नेछन्। यी दुई पापी ग्रहको गोचर कतिपय राशिका लागि निकै विशेष रहने छ भने कतिपयको समस्या बढाउने पनि छ। यो गोचर शनिदेवको मनपर्ने राशि मकर र कुम्भ राशिका लागि लाभदायी साबित हुनेछ।
मकर राशि
शनिदेव यस राशिको शासक ग्रह हो। मकर राशिका लागि यो पारगमन लाभदायक साबित हुनेछ। आर्थिक अवस्था पहिले भन्दा राम्रो हुनेछ। करियरमा स्वर्णिम सफलता मिल्नेछ। आर्थिक लाभको प्रबल सम्भावना छ। घरजग्गामा लगानी गर्न समय अनुकुल छ। तपाईं यस अवधिमा एक भन्दा बढी स्रोतबाट कमाउन सक्षम हुन सक्नुहुन्छ। व्यापार व्यवसाय विस्तारको लागि पनि समय अनुकुल रहेको छ।
कुम्भ राशि
राहु-केतुको गोचर यस राशिका लागि लाभदायक साबित हुनेछ। तपाईंको आत्मविश्वास र इच्छाशक्ति बढ्न सक्छ। नयाँ कामको खोजीमा रहेकाले मन लागेको काम पाउन सक्नेछन्। सम्पत्तिबाट लाभ मिल्ने सम्भावना छ। यस अवधिमा तपाईंले व्यापारसँग सम्बन्धित धेरै राम्रो सम्झौता गर्न सक्षम हुनुहुनेछ। केही पुरानो रोगबाट पीडितहरूले यस अवधिमा राहत पाउन सक्छन्।
