एजेन्सी – इंग्लिस प्रिमियर लिगमा म्यानचेस्टर युनाइटेडले एभर्टनसँग हार बेहोरेपछि पोर्चुगिज सुपरस्टार फरवार्ड क्रिस्टियानो रोनाल्डोले आफ्नो आक्रोशको लागि माफी मागेका छन् ।
एभर्टनसँग १–० ले पराजित भएपछि आक्रोशित रोनाल्डोले एभर्टनका समर्थकको मोवाईल फोन भुईमा फालेको देखिएको थियो । उक्त घट्नाका लागि रोनाल्डोले माफी मागेपनि उनीमाथि मर्सिसाइड प्रहरीले अनुसन्धान थाल्ने भएका छन् ।
सामाजिक सन्जालमा भाइरल भएको फुटेजमा रोनाल्डोले गुडिसन पार्कको तलबाट हिड्दा एक प्रशंसकको फोन फ्याक्नुअघि आफ्नो दाहिने हात जमिनतर्फ झरेको देखाइएको छ । रोनाल्डोको इन्स्टाग्राममा भनेका छन्, ‘हामीले सामना गरिरहेका कठिन क्षणहरुमा भावनाहरुसँग सामना गर्न कहिल्यै सजिलो हुँदैन ।’
‘यद्दपि हामीले सँधै आदर, धैर्य र सुन्दर खेल मन पराउने सबैका लागि नमुना बन्न सक्नुपर्छ । म मेरो आक्रोशको लागि माफी माग्न चहान्छु, र यदि सम्भव छ भने म यस समर्थकलाई ओल्ड ट्राफोर्डमा खेल हेर्न आमन्त्रित गर्न चहान्छु ।’
मर्सिसाइड प्रहरीले यो घट्नामा रोनाल्डोको अनुसन्धान गर्नेछ । म्यानचेस्टर युनाइटेडले फुटेजको बारेमा आफुलाई जानकरी रहेपनि घट्नाको बारेमा कुनै बयान दिएको छैन । यसैबीच स्थानिय प्रहरी, प्रत्यक्षदर्शीसँगको कुराकानी गरी घट्नाको अनुसन्धान गर्दै जानेछ ।
‘मर्सिसाइड प्रहरीले पुष्टि गर्न सक्छ कि उनीहरुले गुडिसन पार्कमा एभर्टनविरुद्ध म्यानचेस्टर युनाइटेडको खेलमा म्यानचेस्टरका खेलाडी संलग्न भएको घट्नापछि उनीहरु पिचबाट हिडिरहेका थिए र त्यसमा संलग्न सबै पक्षहरुसँग कुरा गर्नेछन् ।’ उक्त खेलका प्रहरी अधिकारीले भने ।
यस विषयमा युनाइटेडले भने रोनाल्डोलाई थप कारवाही नगर्ने भएको छ। विभिन्न बेलायती मिडियाहरुका अनुसार रोनाल्डोले सामाजिक संजाल मार्फत गरेको क्षमायाचनाबाट युनाइटेड सन्तुष्ट भएको छ। रोनाल्डोसँग थप स्पष्टिकरण लिने पक्षमा युनाइटेड देखिँदैन।
