काठमाडौँ : चैत्र ३० गते (१३ अप्रिल सन् २०२२) बुधबार बृहस्पति ग्रह शनिको राशि कुम्भबाट आफ्नो स्वराशि मीनमा १२ वर्षपछि गोचर गर्नेछ। बृहस्पति एक राशिमा अधिकतम १३ महिना रहन्छ। यो ग्रह उच्च राशि बाहेक २,५, ९, १२ औँ भावमा गोचर गरेमा शुभ फल दिन्छ। गुरु कर्कटमा उच्च, मकरमा नीच हुन्छ अर्थात् चौथो राशिमा उच्च र दशौँ राशिमा नीच हुन्छ। जान्नुहोस्, कुन-कुन ७ राशिमा शुभ असर पर्छ त ?
• मेष राशि – चु, चे, चो, ला, लि, लु, ले, लो, अ (Aries) : –
बृहस्पति आफ्नो स्वराशि र मेष राशिको १२ औँ भावमा गोचर गर्नेछ। यस अवधिमा पैतृक सम्पत्तिबाट केही लाभ हुने सम्भावना छ। तपाईको लागि समय राम्रो रहनेछ। परिवारमा सुख-समृद्धि आउनेछ। व्यापार-व्यवसायमा संलग्न हुनुहुन्छ भने लाभको योग बनिरहेको छ र जागिरमा बढुवाको सम्भावना देखिन्छ। कुमार केटो र कन्याका लागि विवाहको योग छ। घर खरिद र कुनै राम्रो काम गर्ने योग पनि बनिरहेको छ। समग्रमा तपाईको भविष्य उज्ज्वल छ।
• वृष राशि – इ, उ, ए, ओ, बा, बि, बु, बे, बो (Taurus) : –
वृष राशिका लागि गुरु ग्रहको गोचर ११ औँ भावमा हुनेछ। कार्यस्थलमा सकारात्मक परिणाम देखिनेछ। नयाँ कामको प्रस्ताव आउन् सक्छ। साथै जागिरमा बढुवाको योग छ। नयाँ व्यवसाय पनि सुरु गर्न सक्नुहुनेछ। तपाईको कार्यशैलीमा सुधार आउनेछ। जसकारण तपाईले कार्यस्थलमा वाहवाही पाउनुहुनेछ।
• कर्कट राशि – हि, हु, हे, हो, डा, डि, डु, डे, डो (Cancer) : –
बृहस्पतिको कर्कट राशिको नवौँ भावमा गोचर गर्नेछ। यो अवधि तपाईको लागि अनुकूल रहन सक्छ। अचल सम्पति जोड्नुहुनेछ। व्यापार तथा जागिरमा लाभ हुनेछ। अनावश्यक यात्रा नगरेकै राम्रो हुनेछ।
• वृश्चिक राशि – तो, ना, नि, नु, ने, नो, या, यि, यु (Scorpio) : –
बृहस्पति तपाईको पाचौँ भावमा गोचर गर्नेछ। तपाईको आर्थिक स्थिति बलियो हुनेछ। व्यापार विस्तार हुनेछ। जागिरमा बढुवा हुन् सक्छ। करियरमा प्रगति गर्नुहुनेछ। परिवारमा खुशीको माहोल रहनेछ।
• धनु राशि – ये, यो, भ, भि, भु, ध, फा, ढ, भे (Sagittarius) : –
बृहस्पति धनु राशिको चतुर्थ भावमा उदय हुनेछ। यो गोचरले तपाईको सुख र सुविधा बढाउनेछ। सम्पति खरिद गर्ने मौका मिल्नेछ। नोकरी तथा व्यवसायमा प्रगति हुनेछ। विवाह र यात्राको सम्भावना छ। यो गोचर तपाईको लागि शुभ छ।
• कुम्भ राशि – गु, गे, गो, सा, सि, सु, से, सो, द (Aquarius) : –
बृहस्पति तपाईको दोस्रो भावमा गोचर गर्नेछ। यस अवधिमा व्यापार-व्यवसायमा उल्लेख्य मुनाफा पाउनुका साथै व्यापार विस्तार हुनेछ। जागिरमा पारिश्रमिक वृद्धिसँगै बढुवाको सम्भावना पनि देखिन्छ। परिवारमा खुशीको खबर आउनेछ। यसका साथै पैतृक सम्पत्तिबाट पनि लाभ मिल्ने सम्भावना छ।
• मीन राशि – दि, दु, थ, झ, ञ, दे, दो, च, चि (Pisces) : –
बृहस्पति मीन राशिको लग्न भावमा गोचर गर्नेछ। यो गोचरले तपाईको व्यक्तित्वमा निखार आउनेछ। आत्मविश्वास बढ्नेछ। सोचे अनुसार सफलता मिल्नेछ। जागिर तथा व्यवसायमा चुनौती आइलाग्दा निकट साथी तथा आफन्तजनबाट सहयोग मिल्नेछ। तपाईको आम्दानी बढ्नेछ।
