मेष राशि
यो वर्ष स्वास्थ्यको हिसाबले भन्नु पर्दा चोटपटकको डर रहेको छ। मानसिक रोगले सताउन सक्छ, र औषध उपचारमा खर्च बढ्नेछ। खानपानमा र यात्रा गर्दा बढी सतर्कता अपनाउन आवश्यक छ।
वृष राशि
स्वास्थ्यको हिसाबले भने यो वर्ष त्यति खास नरहला। स्वास्थ्यमा समस्या बढ्न सक्नेछ। हड्डी सम्बन्धि समस्याले तपाईंलाई सताउन सक्छ। नियमित खान-पानमा विशेष ध्यान दिन आवश्यक रहेको छ।
मिथुन राशि
मानसिक चिन्ता र समस्या बढ्न सक्छ। त्यसैले खानपिनमा विशेष ध्यान आवश्यक रहेको छ। मंसिर महिनाबाट स्वास्थ्यमा सुधार आउनेछ।
कर्कट राशि
यस वर्ष स्वास्थ्यको बारेमा भन्नु पर्दा तपाईंको स्वास्थ्य सामान्य नै रहनेछ। स्वास्थ्यले गर्दा खर्च बढ्नसक्छ। हड्डीको सम्बन्धि समस्या बढ्न सक्छ, अत: आफ्नो स्वास्थ्यप्रति सतर्कता अपनाउनु उचित होला।
सिंह राशि
स्वास्थ्यको बारेमा कुरा गर्दा यो वर्ष सिंह राशिका मानिसलाई शुभ नरहला। रक्तचाप तथा हृदय सम्बन्धि समस्या बढ्न सक्छ, त्यसैले वर्षभर स्वास्थ्यको बारेमा सजग रहनुहोला।
कन्या राशि
स्वास्थ्यमा समस्या बढ्न सक्छ। यात्रा गर्दा वा गाडी चलाउँदा विशेष सावधान रहनुहोला। यसका साथै खानपिनमा पनि विशेष विचार पुर्याउनु आवश्यक छ। परिवारको कुनै सदस्यको स्वास्थ्यमा समस्या आउँदा थप खर्च बढ्नेछ।
तुला राशि
स्वास्थ्यको हिसाबले यो वर्ष त्यति शुभ नरहला। आलस्यता बढ्नेछ। घर परिवारको स्वास्थ्यमा समस्या आउँदा धन खर्च हुने । रगत सम्बन्धि समस्याले तपाईंलाई सताउन सक्छ, सावधान रहनुहोला।
वृश्चिक राशि
रगत सम्बन्धि समस्याले तपाईंलाई सताउन सक्छ, ध्यान दिनुहोला। टाउको तथा आँखाको समस्या पनि देखा पर्न सक्छ। परिवारको स्वास्थ्यमा धन खर्च बढ्नसक्छ।
धनु राशि
हड्डी, मानसिकतथा छालासँग सम्बन्ध समस्या बढ्नसक्छ। स्वास्थ्यको क्षेत्रमा तपाईंको खर्च बढ्न सक्छ। खानपानमा विशेष ध्यान दिन आवश्यक रहेको छ।
मकर राशि
आँखाको समस्याले तपाईंलाई सताउन सक्छ, सावधान रहनुहोला। दीर्घकालीन औषधी सेवनको सम्भावना पनि रहन्छ। आफन्त र घरपरिवारको स्वास्थ्यमा पनि केही खराबी आउनसक्छ। खानपिनमा सावधानी अपनाउनु होला।
कुम्भ राशि
वर्षको उत्तरार्धमा स्वास्थ्यमा सुधार आउने र पुराना रोगबाट मुक्ति मिल्नेछ। रक्त सम्बन्धि समस्या बढ्ने भएकाले आफ्नो खानपिन र स्वास्थ्यको विशेष ख्याल गर्नुहोला।
मीन राशि
यो वर्ष स्वास्थ्यमा उतार चढाव आउन सक्छ। त्यसैले खानपिनमा सावधानी र नियमित व्यायाम गर्नु आवश्यक हुनेछ। नासा तथा प्रजननमा पनि सामान्य समस्या बढ्न सक्छ।
