बार्सिलोनाका लागि गत केही हप्ता त्यति राम्रो रहेन, जसले गत बिहीबार युरोपा लिगबाट बाहिरिएपछि सोमबार राति ला लिगा सान्टान्डरमा घरेलु मैदानमा क्याडिजसँग १-० को हार बेहोर्न बाध्य भयो।
यस पराजितको मतलब गणितीय हिसाबले बार्सिलोनाले रियल म्याड्रिडलाई पछि पार्दै लिग उपाधि जित्ने सम्भावना झन् न्युन भएको छ। हाल बार्सिलोना रियल म्याड्रिड भन्दा १५ अंकले पछाडी रहेको छ। रियल म्याड्रिड गणितीय रूपमा च्याम्पियन बनिसकेको छैन तर सिजनको यो चरणमा उनीहरूको अग्रता अतुलनीय देखिन्छ।
यो बार्सिलोनाको मुख्य चिन्ताको विषय हुनुहुँदैन, किनकि वास्तवमा यस सिजन बार्सिलोना उपाधि दौडमा थिएन। थप चिन्ताको विषय यो छ कि तेस्रो र चौथो स्थानमा रहेका टोलीसँग बार्सिलोनाको अंक बराबर रहँदा पाँचौं स्थानमा रहेको टोली भन्दा तीन अंक मात्र अगाडि छन्। बाँकी खेलहरूमा, क्याटालान क्लबले शीर्ष चार स्थान र अर्को सिजनको च्याम्पियन्स लिगको टिकट सुरक्षित गर्ने लक्ष्य राख्नेछ, जुन हाल निश्चित छैन।
अर्कोतर्फ, काडिजका लागि, यो एक ऐतिहासिक रात थियो, क्लबले बार्सिलोनालाई उसकै घरेलु मैदानमा पहिलो पटक पराजित गरेको हो। कडा परिश्रम र प्रभावकारी प्रदर्शन गरेको अवे टोलीले पूर्ण रूपमा योग्य नतिजा हात पार्यो।
बार्सिलोनालाई स्तब्ध पार्न क्याडिजका लुकास पेरेजले दोस्रो हाफमा गरेको गोल नै निर्णायक बन्यो। उनले खेलको ४८औं मिनेटमा गरेको गोल नै निर्णायक बन्यो। नोउ क्याम्पमा सोमबार राति भएको खेलमा बल पोसेसन राख्दै पाहुना टोलीलाई दवावमा राखेपनि बार्सिलोनाले क्याडिजको रक्षापङ्ति तोड्न नसक्दा पराजित हुन पुग्यो।
