काठमाडौं उपत्यकामा आजबाट मेलम्चीको पानी उपत्यकाका धारामा झर्ने भएको छ। लामो प्रतिक्षापछि यसरी पानी झर्न लागेको हो। तर बर्षा याम सुरुभएसंगै मेलम्चीको पानी बन्द गरिने मेलम्ची खानेपानी आयोजनाले जनाएको छ । यो समाचार सौर्य दैनिकमा प्रकाशित छ।
पानी वितरणका लागि उपत्यकामा दश हजार किलोमिटर पाईप विछ्याएको भएपनि आईतबार आधीमा मात्र आउने जनाइएको छ । ऋरु पाईप मर्मत पछि क्रमशः पानी छोड्दै जाने आयोजनाले जनाएको छ । कठमाडौं उपत्यका खानेपानी लिमिटेडले पानी वितरणका लागि आवश्यक तयारी पूरा भएको जनाएको छ ।
मेलम्चीको पानी आइतबार बिहानसम्ममा महाँकाल चौरमा पानी आइपुग्नेछ । गत वर्षको अनुभवका आधारमा पानी वितरण गरिने लिमिटेडले जनाएको छ । गत वर्ष वितरण हुन नसकेका ठाउँमा पानी वितरण गरिनेछ ।
अघिल्लो वर्ष के–कारणले ती ठाउँमा पानी नपुगेको हो, त्यो हेरेर त्यसको समाधान गरिनेछ केयुकेएलले जनाएको छ । अहिले पनि अधिकांश स्थानमा नयाँ पाइपको परीक्षण गर्न बाँकी भएकाले पनि पुरानो पाइपबाट नै वितरण गर्न लागिएको लिमिटेडले जनाएको छ ।
पुरानो पाइपबाट पानी वितरण गर्दा नयाँ पाइप भने परीक्षण हुने जनाइएको छ । मेलम्ची खोलाबाट १७ करोड लिटर पानी ल्याउने भए पनि अहिले तत्काल थोरैबाट सुरु गरिएको छ ।
गत वर्ष पनि सुरुमा थोरै परिमाणबाट पानी वितरण थालिएको थियो । अहिले सुरुमा पाँच करोड लिटर पानी ल्याइने र विस्तारै बढाइने केयुकेएलले जनाएको छ । सरकारले विसं २०७६ फागुनमा पानी पथान्तरण गरेको थियो ।
गत वर्ष असारमा आएको बाढीका कारण मेलम्ची खानेपानी आयोजनामा क्षति पुगेको थियो । आयोजनास्थलसम्म पुग्ने पहुँच सडक बाढीका कारणले क्षतिग्रस्त बन्दा कोही पनि आयोजनास्थल पुगेका थिएनन् । केही महिना पहिले सडक मर्मत गरेर आयोजनाका संरचना खुलाइएपछि हाल पानी काठमाडौं ल्याइएको हो ।
