फर्नान्डो रोइग नेगुरोल्स मंगलबार राति लिभरपुलसँग भिल्लारियलको हारपछि निकै क्रोधित थिए, जुन हारले उनीहरूलाई च्याम्पियन्स लिग सेमिफाइनलबाट बाहिरिन बाध्य गरायो।
आफ्नो टोलीको प्रदर्शनमा निकै गर्व गरेका निग्युरोल्स रेफ्री, डचम्यान म्याकेलीको प्रदर्शनको भने खुलेर विरोध गरेका छन्। “यो एक अपमानजनक पेनाल्टी निर्णय थियो,” नेगुरोल्सले भने, “रेफ्री उक्त खेलको स्तर कै थिएनन्। म कुनै सम्भावित व्याख्या देख्दिन। रेफरी भयानक भएको छ, यो सधैं उनीहरूको पक्षमा गएको छ।”
“यो कुनै बहाना होइन, किनकि तिनीहरू उत्कृष्ट थिए र धेरैले जित्न सक्थे, तर रेफ्री यस्तो प्रकारको खेलको स्तरमा कतै पनि थिएनन्। त्यहाँ धेरै साना कार्यहरू थिए जुन तिनीहरूको पक्षमा गए,” उनले थपे, “पहिलो हाफमा बक्सको छेउमा तीनवटा फाउल थिए, सेट-पिस धेरै महत्त्वपूर्ण हुन्छ र हामीले यसलाई प्राप्त गर्न सकेनौं। म धेरै रिसाएको छैन, म यहाँसम्म पुग्न पाउँदा गर्व गर्छु, तर रेफ्रीको स्तर एकदमै खराब थियो।”
खेलको तेस्रो मिनेटमा बोउलाय डियाले गोल गर्दै भिल्लारियललाई सुरुवाती अग्रता दिलाए। उनले इटिने कापोइको पासमा गोल गर्न सफल भएको थियो। ४१औं मिनेटमा फ्रान्सिस कोक्विलिनले गोल गर्दै भिल्लारियलको फाइनल पुग्ने आशा देखाए। फ्रान्सिसले पनि इटिने कापोइको पासमा गोल गर्न सफल भएको थियो।
दोस्रो हाफ भने लिभरपुलको नाममा रहँदा घरेलु टोली निरिह सावित बन्यो। ६२औं मिनेटमा फाविन्होले मोहम्मद सलाहको पासमा गोल गर्दै खेललाई २–१ को स्थितिमा ल्याए। ६७औं मिनेटमा परिवर्तित लुयस डियाजले ट्रेन्ट एलेक्सान्डर आर्नाेल्डको पासमा गोल गर्दै खेललाई २–२ गोलको बराबरीमा ल्याउदै समग्रमा अग्रता बढाउन सफल भयो।
७४औं मिनेटमा नावी केइटाको पासमा साडियो मानेले गोल गर्दै लिभरपुलको ३–२ को पूनरागमन जित पक्का गरे। ८६औं मिनेटमा घरेलु टोली १० खेलाडीमा समेटिन पुग्दा खेलमा फर्कने सम्भावना न्युन बन्न पुग्यो। इटिने कापोइ दोहोरो पहेलो कार्ड खाँदै मैदानमा बाहिरियो। त्यसपछि थप गोल निस्कन नसक्दा लिभरपुल विजयी हुन सफल भयो।
