रुसी क्लबले युनाइटेडलाई भन्यो-“हेर यस्तो देखिन्छ ट्रफी”

बैशाख २५, २०७९ MT

रुसी टोली जेनिट सेन्ट पिटर्सबर्गले म्यानचेस्टर युनाइटेडलाई अर्को ट्रफीविहीन सिजनपछि कडा प्रहार गरेका छन्। रेड डेभिल्स शनिबार प्रिमियर लिगमा ब्राइटनसँग ४-० ले अपमानित रूपमा पराजित भयो। यस हारसँगै युनाइटेडका लागि अंक तालिकाको हिसाबले सबैभन्दा खराब सिजन हुने भएको छ।

रेड डेभिल्सका लागि यो सिजन निकै भयानक भएको छ र गयरातीको खेलले क्लबको सिजनको निकै राम्रोसँग व्याख्या गरेको छ। राल्फ रङ्गनिकको टोली माथि खेलको सुरुदेखि अन्त्यसम्म सीगलहरूको पूर्ण प्रभुत्व थियो र उनीहरुको डिफेन्स सधैं झैं तितर-बितर भयो। १५औं मिनेटमा मोइसेस क्यासेडोले गोल गर्दै अग्रता दिलाएका थिए भने दोस्रो हाफको सुरुवाती क्वार्टरमा मार्क कुकुरेला, पास्कल ग्रोस र लिआन्ड्रो ट्रोसार्डले एक–एक गोल गरेका थिए।

यस नतिजाले म्यानचेस्टर युनाइटेडको विपत्तिपूर्ण सिजनलाई सारांशित गर्‍यो, यतिसम्म कि जेनिटले पनि क्लबमा निकै कडा व्यंग्य गरेको छ। रुसी च्याम्पियनले ट्विटरमा आफ्ना खेलाडी एन्ड्री मोस्टोभोयको तस्बिर राखे र रुसी प्रिमियर लिगको ट्रफीमाथि व्यंग्यात्मक क्याप्सन राखेका छन्: “हे @ManUtd फ्यानहरू, ट्रफी भनेको जस्तो देखिन्छ! 👀🏆”

प्रकाशित : आइतबार, बैशाख २५, २०७९१३:५२

युनाइटेडको लज्जास्पद हारमा रोनाल्डोको सर्मनाक हाँसो !