एजेन्सी – किलियन एमबाप्पेले आइतबार फ्रेन्च लिग वान प्लेयर अफ द सिजनको अवार्ड जिते। यो एम्बाप्पेको तेस्रो अवार्ड थियो। एम्बाप्पे लगातार तीन सिजन देखि यो अवार्ड जितिरहेका छन्।
अवार्ड हस्तान्तरण गर्न आयोजना गरिएको कार्यक्रममा एम्बाप्पेले आफ्नो भविष्यबारे बोले। एम्बाप्पेका अनुसार उनले आफ्नो भविष्य बारे निर्णय गरिसकेका छन्। आफ्नो भविष्य बारे आफूले लगभग निर्णय गरिसकेको एम्बाप्पेको भनाई छ।
“म समारोहमा सहभागी हुन चाहन्थें। मैले आफ्नो निर्णय गरिसकेको छु। लगभग यो तय भइसकेको छ। यस बारे सबैलाई छिट्टै थाहा हुनेछ।”,एम्बाप्पेले अवार्ड कार्यक्रममा भने।
त्यसक्रममा एम्बाप्पेले समयसँगै आफ्नो जिम्मेवारी थपिएको पनि बताए। आफू पेरिस सेन्ट जर्मेन(पिएसजी) वा अन्यत्र जता पनि खुशी हुन सक्ने एम्बाप्पेको भनाई छ।
उनले भने,”मलाई लाग्छ कि मेरो जिम्मेवारी थपिएको छ। सायद म पेरिसमा खुशी हुन सक्छु। अथवा अन्यत्रै खुशी हुन पनि सक्छु। यस बारे मैले निर्णय गरिसकेको छु।”
एम्बाप्पेको सम्झौता आउने केहि साता भित्रै सकिँदैछ। पिएसजीले गएको केहि वर्ष देखि एम्बाप्पेको सम्झौता थप गर्ने प्रयास गरिरहेको छ। तर पनि एम्बाप्पे पिएसजी बस्न तयार हुन सकेका छैनन्। यस सिजनको अन्त्य पछि एम्बाप्पे जुन सुकै क्लब जान पाउनेछन्। एम्बाप्प्पे पिएसजी छाडेको खण्डमा रियल म्याड्रिड जाने उच्च सम्भावना छ।
