ज्योतिष शास्त्रका अनुसार १७ मे, २०२२ मंगलबार अर्थात् आजबाट मंगल ग्रह कुम्भ राशिबाट प्रस्थान गरी मीन राशिमा प्रवेश गर्नेछ र जुन २७ सम्म मीन राशिमा रहनेछ। मंगल ग्रहको यो गोचर धेरै राशिका लागि निकै फलदायी साबित हुनेछ। देवगुरु बहुपति देव मीन राशिमा विराजमान छन्। फलस्वरूप मंगलको यो संयोगले मंगल गुरु योगको निर्माण हुनेछ। आउनुहोस् जानौं राशिहरूमा यसको प्रभाव।
वृष राशि
ज्योतिष शास्त्र अनुसार यस राशिको एघारौं स्थानमा मंगलको गोचर हुनेछ। यहाँ देवगुरु बृहस्पति देव विराजमान छन्। तसर्थ यो राशिका लागि यो गोचर लाभदायी रहनेछ। आम्दानीका विभिन्न श्रोतहरु सृजना हुनेछन्, आर्थिक स्थितिमा सुधार आउनेछ र भावी योजनाहरुबाट लाभ मिल्नेछ। व्यापारीहरूलाई कडा परिश्रमको शुभ फल मिल्नेछ।
मिथुन राशि
मिथुन राशिका लागि पनि यो गोचर शुभ रहनेछ। मंगल ग्रह यस राशिको दशौं भावमा प्रवेश गर्दैछ र बृहस्पति यहाँ पहिले नै अवस्थित छ। यसै कारणले यहाँ मंगल गुरु योग बन्नेछ। यो राशिका मानिसहरुका लागि निकै शुभ रहनेछ। यस अवधिमा कार्यक्षेत्रमा प्रतिष्ठा र प्रभुत्वमा वृद्धि हुनेछ। यस अवधिमा जग्गा, भवन आदि खरिद गर्ने सम्भावना छ।
कर्कट राशि
यो राशिका मानिसहरुका लागि पनि विशेष फलदायी साबित हुनेछ। यस अवधिमा तपाईंले मानसिक शान्ति महसुस गर्नुहुनेछ। नोकरी व्यवसायमा प्रभुत्व जमाउनु हुनेछ, यो समय उत्साहजनक रहनेछ। तपाईंले यो समयमा मिहिनेत अत्यन्त गर्नुहुनेछ, जसको नतिजा सकारात्मक रहनेछ। धार्मिक यात्रामा जान सकिनेछ।
तुला राशि
यो राशिका लागि यो गोचर शुभ साबित हुनेछ। यस अवधिमा तपाईंको व्यक्तित्वमा सकारात्मकता रहनेछ। भाग्यको साथ, आर्थिक स्थिति राम्रो हुनेछ। कला क्षेत्रसँग सम्बन्धित व्यक्तिहरूले विशेष लाभ प्राप्त गर्नेछन्।
