मानिसले सफलता पाउनको लागि धेरै प्रयास गर्छन्, तर यसका साथसाथै उनीहरुको धेरै शत्रुहरू पनि हुन्छन्, जसले उनीहरुलाई तल झार्न सक्दो प्रयास गर्छन्। चाणक्य नीतिले सफलता प्राप्त गर्न प्रयास गर्नुका साथै समयमै आफ्ना शत्रुहरूलाई कसरी परास्त गर्ने भन्ने कुरा सिक्नु आवश्यक रहेको बताएको छ। आचार्य चाणक्यको यो उपदेश मान्नेलाई शक्तिशाली शत्रुले पनि हराउन सक्दैनन्।
यी ४ कुरा सिक्नुभयो भने हरेक शत्रुलाई हराउन सक्नुहुन्छ
कहिल्यै हिम्मत हार्नु हुँदैन
आचार्य चाणक्यले भनेका छन् कि जतिसुकै ठूलो चुनौती आए पनि हार मान्नु हुँदैन। आफ्नो सोच सकारात्मक राख्नुहोस्। यदि तपाईंले यसो गर्नुभयो भने, तपाईंले बिना लडाई आधा युद्ध जित्नुहुनेछ। त्यसपछि तपाईंको जित निश्चित छ।
शत्रुलाई कहिल्यै कमजोर नसोच्नु
चाणक्य नीति अनुसार शत्रुलाई कहिल्यै कमजोर नठान्नुस्। तपाईंको शत्रु तपाईंभन्दा कमजोर भए पनि, उनीहरुको शक्तिलाई राम्रोसँग मूल्याङ्कन गर्नुहोस्। नत्र तपाईं सबैभन्दा कमजोर शत्रुसँग पनि पराजित हुनुहुनेछ।
रिसमा निर्णय नगर्नुहोस्
हतार, क्रोध, अहंकारमा कहिल्यै निर्णय नगर्नुहोस्। यस्तो निर्णयले हानि मात्र गर्छ। हरेक पक्षलाई शान्त दिमागले सोच्नुहोस् र त्यसपछि कदम चालेर निर्णय गर्नुहोस्।
धैर्य नगुमाउनुहोस्
शक्तिशाली शत्रुको सामु आफ्नो पराजय देखे पनि धैर्यता र सकारात्मकतालाई नछोड्नुहोस्। कति बेला बाजी पल्टिन्छ, थाहा हुँदैन। शत्रुको सानो गल्तीले तपाईंलाई विजयको किनारमा पुर्याउन सक्छ। केवल धैर्यको साथमा तपाईंले त्यो गल्तीको फाइदा उठाउनु पर्छ।
