जेष्ठ महिनाको कृष्ण पक्ष औंशी तिथिका दिन शनिदेवको जन्म भएको यस दिन शनि जयन्ती मनाइन्छ। शनिदेव कर्मदाता हुन्, उनले हरेक प्राणीलाई कर्म अनुसार फल दिन्छन्। शनिदेवलाई न्यायको देवता भनिन्छ। शनि जयन्तीका दिन शनिदेवको पूजा गर्नाले सबै संकटबाट मुक्ति मिल्छ। शनि जयन्तीमा शनिदेवको पूजा, आराधना, दान, अनुष्ठानले विशेष फल दिने मानिन्छ।
यस दिन शनि मन्दिरमा शुद्ध तोरीको तेलमा दियो बाल्नुहोस्। ॐ श्नैश्चराय नमः जप गरिरहनुहोस्। कालो दाल खाँचोमा परेकाहरूलाई दान गर्नुहोस्। खाद्यवस्तु, कपडा आदि दान गर्नुहोस्। पितृहरूको लागि मन्दिरमा दूध र सेतो मिठाई दान गर्नुहोस्। शनि जयन्तीको दिन पूजा कोठामा कालो कपडा बिछ्याएर शनिदेवको मूर्ति स्थापना गर्नुहोस्।
शनिदेवलाई नीलो फूल, फल, सिन्दुर, कुमकुम, काजल, अक्षता आदि अर्पण गर्नुहोस् र तोरीको तेलमा दियो बाल्नुहोस्। शनि जयन्तीका दिन जप, दान, हवन आदि विधिले शनिदेवको पूजा गर्नुहोस्। शनि जयन्तीमा शनि चालिसाको पाठ धेरै फलदायी मानिन्छ। शनिदेवको साथमा हनुमान जीको पूजाको विधि पनि शुभ मानिन्छ। यस पटक शनि जयन्ती, वट सावित्री व्रत र सोमवती औंशी एकसाथ आउँदैछ। यस विशेष अवसरमा पूजा र दान गर्नाले असीमित शुभ फल प्राप्त हुनेछ।
